संस्कृति/धर्म

नेपालमै पहिलो पटक ७ सय ५ वर्षपछि चतरामा श्रीराम तारक ब्रह्म महायज्ञ हुने

-अमर काफ्ले


इनरुवा। सुनसरीको चतरामा आइतबारबाट श्रीराम तारक ब्रह्म महायज्ञ आयोजना हुँदैछ ।नेपालको इतिहासमा पहिलो पटक मानिएको श्रीराम तारक ब्रह्म महायज्ञ ७ सय ५ वर्ष पहिला भारतमा सम्पन्न भएपश्चात् विश्वकै दोस्रो ठुलो महायज्ञ हुने भएको बताइएको छ ।

महायज्ञको सम्पूर्ण तयारी पुरा भैसकेको छ । सुनसरीको चतरा धाममा आयोजना हुन लागेको महायज्ञको उद्घाटन भने भोलि दिउँसो राष्ट्रपति विद्यादेवी भण्डारीले गर्ने कार्यक्रम रहेको छ ।

महायोगी सिद्धबाबा आध्यात्मिक प्रतिष्ठान, जगद्गुरु श्रीरामानन्दाचार्य सेवा पीठको आयोजनामा हुन लागेको महायज्ञको भोलि दिउँसो राष्ट्रपति विद्यादेवी भण्डारीले औपचारिक उद्घाटन गर्ने कार्यक्रम रहेको छ ।

भारतमा आर्थिक हिसाबले ठुलो महायज्ञ भए तापनि विज्ञानसम्वत र अनुष्ठानका हिसाबले चतरामा आयोजना हुन लागेको महायज्ञलाई बृहत् रूप दिन लागिएको सिद्धबाबा डा. कृष्णदासजी महाराजले जानकारी दिनुभएको छ ।

महायज्ञकालागि ९ तले मण्डप निर्माण गरिएको छ । मण्डपभित्र १ सय ८ वटा हवन कुण्ड निर्माण गरिएका छन् ।

महायज्ञको तयारीमा जुट्दै गर्दा गत सालको शिवरात्रीबाटनै देश र विदेशमा गरी १२ सय साधकहरुले थालेको १ अर्ब ६० करोड मन्त्रजाप सम्पन्न भैसकेको सेवा पिठले जनाएको छ । विश्व शान्तिको कामना सहित आयोजना गर्न लागिएको महायज्ञमा १६ करोड हवन गरिने आयोजकले जनाएको छ ।

महायज्ञमा आउने भक्तजनलाई लक्षित गरी साढे ८ करोड लागतमा १ सय २६ कोठा भएको तीन वटा भवन निर्माण कार्य सम्पन्न गरिएको छ ।

एक लाख भक्तजन आउने अनुमान गरिएको महायज्ञमा भारत सहित विभिन्न मुलुकबाट हिन्दु धर्म गुरु लगायतको सहभागिता रहने बताइएको छ ।

विश्वशान्तिको कामना सहित धार्मिक पर्यटनलाई जोड दिएर आयोजना हुन लागेको महायज्ञसँगै सुनसरीको चरताबाट हरित योजना समेत अघि सार्न लागिएको छ ।

प्रदेश सरकारले चतरामा आयोजना हुने महायज्ञबाटै हरित प्रदेशको अवधारणालाई अघि बढाउने जनाएको छ । स्वयं मुख्यमन्त्री शेरधन राईले समेत उक्त कुराको उद्घोष यसअघिनै गरिसक्नु भएको छ ।

खाद्यान्नमा आत्मनिर्भर प्रदेश बनाउने सोचलाई साकार तुल्याउन राष्ट्रपतिको उपस्थितिमा हरित प्रदेशको शंखनाद गर्न लागिएको जगद्गुरु श्रीरामानन्दाचार्य सेवा पिठ सुनसरीले जनाएको छ ।

माघ २६ गते उद्घाटन गरी २७ गतेबाट सञ्चालन हुने महायज्ञ फागुन ७ गते सम्म चल्ने छ । सो महायज्ञमा १२ करोड बढी खर्च हुने अनुमान गरिएको छ । महायज्ञलाई लक्षित गरी सुनसरी प्रशासनले यथेष्ट मात्रामा सुरक्षाबन्दोवस्ती समेत मिलाई सकिएको जनाएको छ ।

शनि, माघ २६, २०७५ मा प्रकाशित

यसमा तपाइको मत

Loading...
Loading...

बाट अन्य

नालामा महालक्ष्मीको जात्रा आज अन्तिम दिन

आज नाला प्राचिन शहरमा महालक्ष्मीको चौथो दिन(अन्तिम दिनको )जात्रा हुदैछ/ आजको दिनमा अथवा  बैशाख शुक्लपक्षको पंचमी दिन नालाबासीले ख ल्वाकेगु दिनको रुपमा लिने गरिन्छ/नाला लागन टोलमा रहेको महालक्ष्मीको मुर्तिलाई रथमा राखी नालाशहर परिक्रमा गरिन्छ/ठाउं  ठाउंमा बिसाएर निकै रमाइलो गरि जात्रा संचालन गरिन्छ /बिभिन्न बाजागाजाका साथ...

ल्हासाबाट भित्रिएको मासुको परिकार ‘गोर्मा’

नेवार समुदायका शाक्य,बज्राचार्य र तुलाधरहरु मल्लकालीन समयमा ल्हासामा निक्कै ब्यापार गर्दथे/ सोहि समयमा ल्हासाबाट सिकेरआएको मासुको परिकार नै ‘गोर्मा’ हो/ यो परिकार विशेषगरि नेवारी समुदायको तुलाधर,बज्राचार्य र शाक्य जातिको ठुलाठुला भोजहरुमा यो परिकार बनाउने गरिन्छ/ बास्तबमा ‘गोर्मा’ शब्द नेवारी होइन/ यो तिब्बती शब्द हो/ तिब्बती...

गुप्तेश्वर महादेव गुफा

एजेन्सी, संखुवासभा / संखुवासभाको पाँचखपन नगरपालिका ४ लिङलिङ खानी स्थित रहेको गुप्तेश्वर महादेव गुफा गुम्नाम बनेको छ । आदीमकालमा डोलटार भन्ने ठाउँमा गाई चरन रहेको र चरनका क्रममा गाई हराए पछी खोज्ने क्रममा गुफा भित्रबाट गाईको आवाज आएको र गुफा पत्ता लागेको किम्बदन्ती छ ।...

विश्वमा नेवारसंग मात्र भएको संहिता कश्यप संहिता

कश्यप संहिता कौमारभृत्यले रचना गरेको संहिता हो / यो इसापूर्व छैठौ शताब्दीतिर यसको रचना गरेका हुन् /यो मध्य युगमा चिनियाँ भाषामा अनुवाद गरिएको थियो/ यसलाई 'वृद्धजीवकीयतन्त्र'पनि भनिन्छ / महर्षि कश्यपले कौमारभृत्यको आयुर्वेदको आठ वटा अंगमा पहिलो स्थान दिएको छ। कश्यप संहिता आयुर्वेदको अत्यन्त प्राचीन संहिता हो...

उत्तरप्रदेशका मुख्यमन्त्री योगी आदित्यनाथ जनकपुरधाम आए

२६ मंसिर, धनुषा । उत्तरप्रदेशका मुख्यमन्त्री योगी आदित्यनाथ जनकपुरधाम आएका छन् । विवाह पञ्चमी महोत्सवमा मुख्य अतिथिको रुपमा आदित्यनाथ जनकपुरधाम आएका हुन् । निजी विमान चढेर जनकपुर विमानस्थलमा ओर्लिएका आदित्यनाथ त्यहाँबाट सीधै जानकी मन्दिरमा गएका थिए । जानकी मन्दिरमा उनले पूजा गरेका छन् । विमानस्थलमा प्रदेश २...

नेपाल संवत् ११३९ देशभर विविध कार्यक्रम

कात्तिक, काठमाडौं । नेपाल संवत् ११३९ आज देशभर विविध कार्यक्रम गरी मनाइँदैछ । यस संवतलाई हाल नेवार समुदायले नयाँ वर्षका रुपमा मनाउने गरेका छन् । राष्टिय विभूति शङ्खधर साख्वाले विसं ९३७ ९इसं ८८०० मा गरीब जनताको ऋणमोचन गरी नेपाल संवत्को शुरुवात गरेका थिए । नेपाल संवतले...