खेलकुद

कछुवा गतिमा अगाडि बढिरहेको दशरथ रंगशालाको पुनर्निर्माणले पछिल्ला दिनमा गति लिए


२४ फागुन, काठमाडौं । कछुवा गतिमा अगाडि बढिरहेको दशरथ रंगशालाको पुनर्निर्माणले पछिल्ला दिनमा गति लिएको छ ।

राष्ट्रिय खेलकुद परिषद् (राखेप)ले चिनियाँ कम्पनी सीसीआरसीलाई निर्माणको जिम्मा दिएपछि कामले गति लिएको हो । चिनियाँ कम्पनीले मैदानको ट्रयाक, साउन्ड सिस्टम, लाइट बनाउने जिम्मा लिएसँगै रंगशालाले चाँडै मूर्त रुप पाउने देखिएको छ । मार्च २ देखि निर्माणको जिम्मा लिएको चिनियाँ कम्पनी सीसीआरसीले अहिले ट्रयाकको रबर निकाल्ने र ढल बनाउने काम गरिरहेको छ । ३५–४० जना कामदार रंगशालाको ट्रयाक निर्माणमा जुटेका छन् ।

राखेपका सदस्यसचिव केशवकुमार बिष्टले आउँदो जेठभित्र चिनियाँ कम्पनीले निर्माण सकाएर हस्तान्तरण गर्ने बताए । उनले भने, ‘अवधि चार महिनाको हो, तर वर्षायाम सुरु भएपछि ट्रयाक बनाउन नमिल्ने हुनाले जेठभित्रै सक्ने उहाँहरुको लक्ष्य छ ।’

राष्ट्रिय खेलकुद परिषद्ले भीआईपी प्याराफिटको रेट्रोफिटिङको काम सकेर ढलान पनि अन्तिम चरणमा पुर्‍याएपछि चिनिया कम्पनीलाई मैदानको काम गर्न जिम्मा दिएको थियो । सो कम्पनीले स्कोर बोर्डको निर्माण भने लगभग सकेको छ ।

नेपालले आठौं दक्षिण एसियाली खेलकुद प्रतियोगिता (साग) को आयोजना गर्दा पनि चिनियाँ कम्पनीले नै रंगशालाको पुननिर्माण गरेको थियो । पुननिर्माणपछि नेपालले भब्यताका सात दशरथ रंगशालामा साग खेलकुदको आयोजना गर्‍यो ।

राखेपले भिआईपी प्याराफिटको आरसीसी छाना भत्काएको छ भने अब त्यसको बदलामा त्यहाँ अर्कै स्टिलको छाना लगाउने तरखर गर्दै छ । अहिले भीआईपीतर्फको ब्लक निर्माण भइरहेको छ । भीआईपी प्याराफिट गिरी कन्ट्रक्सनले निर्माण गरिरहेको छ । यसमा छाना लगाउने कार्य भने सीसीआरसीले मैदानको ट्रयाक, लाइट र स्कोर बोर्ड बनाइसकेपछि हुनेछ ।

यसबारे सदस्यसचिव विष्टले भने, ‘अन्य देशको मोडलमा छाना हाल्ने भनेर हामीले काम अघि बढाएका छौं ।’

रंगशाला पुनर्निर्माण सुरु भएको पाँच वर्ष वितिसकेको छ । १३ औं साग खेलकुदकै लागि लक्ष्य बनाएर पुनर्निर्माण थालिएको पनि करिब एक वर्ष पूरा भयो ।

२०७० सालदेखि नै यो रंगशालाको पुनर्निर्माण थालिएको थियो । त्यसबेला राखेपका सदस्यसचिव युवराज लामाले रंगशालाको साधारण प्यराफिटको रेट्रो फिटिङ, कुर्सी हाल्ने र छाना हाल्नका लागि करिब ११ करोड बजेट विनियोजन गरेका थिए ।

२०७२ सालमा आएको विनाशकारी भूकम्पले रंगशाला भत्काएपछि सिगै नयाँ संरचना निर्माण गर्नुपर्ने भयो । अहिले अन्तिम चरणमा भनिए पनि भीआईपी प्याराफिटको छाना हाल्ने, दुबै प्याराफिटतर्फ कुर्सी राख्ने काम बाँकी नै छ ।

तर रंगशाला असार मसान्तसम्म पूर्णरुपमा बनिसक्ने र अब तोकिएकै मितिमा साग खेलकुद हुने राखेपको दाबी छ । सदस्यसचिव विष्ट भन्छन्, ‘अब १३ औं साग सर्दैन । रंगशाला निर्माण भइसक्छ ।’

यो रंगशालामा खेलकुदका गतिविधि ठप्प जस्तै भएको करिब पाँच वर्ष भइसक्यो । मिति तोकिसकिएका प्रतियोगिता पनि यही रंगशालाको कारण सर्दै गएका छन् । २०१८ मै आयोजना गर्ने भनेर १३औं सागको जिम्मा लिएको नेपालले भौतिक संरचना निर्माण नहुँदा दुई पटक सारिसकेको छ ।

अन्य देशमा अन्तर्राष्ट्रियस्तरका थुप्रै रंगशाला हुने गर्छन् । नेपालमा भने भएको एक मात्र अन्तर्राष्ट्रियस्तरको रंगशाला यही नै हो । करिब १८ देखि २० हजारको दर्शक क्षमता भएको यो रंगशालाको क्षमता अब पुननिर्माणपछि केही घट्ने भएको छ ।

शुक्र, फाल्गुन २४, २०७५ मा प्रकाशित

यसमा तपाइको मत

Loading...
Loading...

बाट अन्य

नेपाल साफ महिला फुटबल च्याम्पियनसिप फुटबलको फाइनलमा प्रवेश

मोरङ – नेपाल साफ महिला फुटबल च्याम्पियनसिप फुटबलको फाइनलमा प्रवेश गरेको छ । आज भएको पहिलो सेमिफाइनलमा श्रीलंकाविरुद्ध ४–० गोल अन्तरको जित निकाल्दै नेपालले फाइनलमा स्थान बनाएको हो । नेपालले अब उपाधिका लागि भारत र बंगलादेशबीचको विजेतासँग प्रतिस्पर्धा गर्ने छ । भारत र बंगलादेशबीचको सेमिफाइनल पनि...

नेपालका अजितकुमार यादवले तेश्रो एसियाली युथ एथलेटिक्स च्याम्पियनसिपमा स्वर्ण पदक जिते

काठमाडौं । नेपालका अजितकुमार यादवले तेश्रो एसियाली युथ एथलेटिक्स च्याम्पियनसिपमा स्वर्ण पदक जितेका छन् । हङकङमा आइतबार ३ किलोमिटर दौडमा अजितले नेपाललाई स्वर्ण पदक दिलाएका हुन् । स्वर्ण जित्ने क्रममा अजितले भारत र यमनका खेलाडीलाई पछि पारे । अजितले निर्धारित दूरी ८ मिनेट ३०.३२ सेकेण्ड पुरा गरे...

प्याराग्लाइडिङ, बञ्जीजम्प जस्तै साहसिक खेल ‘जिप लाइन’को मजा लिन धुलिखेल जाउँ

धुलिखेल । प्याराग्लाइडिङ, बञ्जीजम्प जस्तै साहसिक खेल ‘जिप लाइन’को मजा लिन अब उपत्यकावासीका लागि धेरै टाढा धाउन नपर्ने भएको छ । काठमाडौँबाट झण्डै ३३ किलोमिटर दूरीमा पर्ने काभ्रेपलाञ्चोकको पर्यटकीय गन्तव्य धुलिखेलमा साहसिक खेल ‘जिप लाइन’ले सेवा दिन थालेपछि टाढा पुग्नुपर्ने अवस्थाको अन्त भएको हो । कास्कीको...

आईसीसी महिला टी-२० विश्वकपको एसिया छनोटमा उपविजेता बनेको महिला क्रिकेट टिम फर्किए

१६ फागुन, काठमाडौं । आईसीसी महिला टी-२० विश्वकपको एसिया छनोटमा उपविजेता बनेको नेपाली महिला क्रिकेट टिम स्वदेश फर्किएको छ । थाइल्यान्डमा बुधबार सम्पन्न आईसीसी महिला टी-२० विश्वकपको ग्लोबल छनोटमा पुग्न नसकेपनि उपविजेता बन्दै नेपाली महिला टिम स्वदेश आज फर्किएको हो । नेपालले प्रतियोगिताको अन्तिम खेलमा कुवेतलाई ३०...

टि–२० जितेर नयाँ इतिहास बनाएको क्रिकेट टोलीलाइ विमानस्थलमा रेड कार्पेट बिच्छ्याएर स्वागत

काठमाडौं। युएइमा वनडे र टि–२० सिरिज जितेर नयाँ इतिहास बनाएको नेपाली क्रिकेट टोली काठमाडौं आइपुगेको छ । टिमलाई त्रिभुवन अन्तर्राष्ट्रिय विमानस्थलमा रेड कार्पेट बिच्छ्याएर स्वागत गरिएको छ । टिमलाई स्वागत गर्न हजारौं फ्यानका बीच पारस खड्काका हजुरबुवा प्रेमबहादुर खड्का र पिता मोहन खड्का...

नेपालले पहिलो पटक टी-२० अन्तर्राष्ट्रिय क्रिकेट सिरिज जित्दै इतिहास रचे

काठमाडाैं – नेपालले पहिलो पटक टी-२० अन्तर्राष्ट्रिय क्रिकेट सिरिज जित्दै इतिहास रचेको छ। युएई विरुद्धको टी-२० सिरिज नेपालले २-१ ले आफ्नो पक्षमा पारेको हो। यो सँगै नेपालले युएई विरुद्धका दुबै सिरिज आफ्नो पक्षमा पारेको छ। यसअघि नेपालले एकदिवसीय सिरिज समेत २-१ ले आफ्नो पक्षमा पारिसकेको...