प्रमुख समाचार

छोराप्रकाशको निधनपछि विक्षिप्त बनेकी पत्नी सीताको मुहारमा खुसी ल्याउन प्रचण्डले सहकार्यको ५० औं वर्षगाँठ मनाए


२६ वैशाख, काठमाडौं । पूर्वप्रधानमन्त्री पुष्पकमल दाहाल प्रचण्ड र सीता दाहालले सहकार्यको ५० औं वर्षगाँठ मनाएका छन् ।

गत वर्ष छोराप्रकाशको निधनपछि विक्षिप्त बनेकी पत्नी सीताको मुहारमा खुसी ल्याउन प्रचण्डले सहकार्यको ५० औं वर्षगाँठ मनाएका हुन् । खुमलाटारस्थित प्रचण्ड निवासमा आयोजित कार्यक्रममा उपराष्ट्रपति नन्दबहादुर पुनका साथै मन्त्रीहरु, सांसद, नेकपाका नेतालगायतको बाक्लो उपस्थिति थियो ।

 

सहकार्यको ५० औं वर्ष नाम दिइएको कार्यक्रममा प्रचण्ड र सीता दुलाह दुहली झैं सजिएका थिए । तर, शारीरिक रुपमा सीता निकै अशक्त देखिएकी थिइन् ।

उपराष्ट्रपतिदेखि बहालवाला मन्त्रीसम्म

ललितपुरको सुनाकोठीमा विहीबार अपरान्ह प्रचण्ड र सीता दाहाल बेहुला-बेहुलीजस्तै बनेर सोफामा बसेका थिए । छेउमा साडीमा सजिएर दुई छोरीहरु बसेका थिए । सीता र प्रचण्डले जग्गेमा बेहुला-बेहुलीले जस्तै एक अर्कालाई माला लगाइदिएका थिए ।

छेउमा समारोहमा रातो लुगामा सजिएका महिलाले नरसिंगा, दमाहा लगायतका पञ्चेबाजा धन्काएका थिए । केहीबेर सामान्य भाषण-भुषण पनि चलेको थियो । सहभागीहरुलाई केक काटेर खुवाइएको थियो । सामान्य खानपिनको व्यवस्था पनि थियो ।

समारोहमा जो मानिसहरु उपस्थित थिए, त्यो उल्लेखनीय थियो । पुनर्विवाह समारोहमा राष्ट्रपति विद्यादेवी भण्डारी जाने चर्चा चले पनि साँझसम्म उनको सहभागिता देखिएन । प्रधानमन्त्री केपी ओली विहीबार नै भियतनाम जानु परेकाले समारोहमा गएनन् । बाँकी उच्चपदस्थ सरकारी अधिकारीहरु विवाह वर्षगाँठ समारोहमा सहभागी बने ।

कार्यक्रममा उपराष्ट्रपति नन्दबहादुर पुन, सभामुख कृष्णबहादुर महरा, राष्ट्रिय सभाका अध्यक्ष गणेश तिमल्सेना, उपप्रधानमन्त्री उपेन्द्र यादव, अर्का उपप्रधानमन्त्री ईश्वर पोखरेल, पूर्वप्रधानमन्त्रीहरु माधवकुमार नेपाल, डा. बाबुराम भट्टराई, झलनाथ खनाल, नेकपा नेता वामदेव गौतम लगायतको उपस्थिति थियो ।

नेकपाका शीर्षनेताहरु विष्णु पौडेल, नारायणकाजी श्रेष्ठ, सुवास नेम्वाङ, अष्टलक्ष्मी शाक्य, अग्नि सापकोटा, जनार्दन शर्मा, देव गुरुङ, लीलामणि पोख्रेल, देवेन्द्र पौडेलदेखि लिएर राप्रपाका सुनीलबहादुर थापासम्म समारोहमा सहभागी थिए ।

सरकारका प्रवक्ता एवं सूचना प्रविधि मन्त्री गोकुल बास्कोटा, उर्जामन्त्री वर्षमान पुन र उद्योग मन्त्री मात्रिका यादव लगायतका  बहालवाला मन्त्रीहरु पनि समारोहमा सहभागी थिए ।  कार्यक्रममा नीलो प्लेटको गाडी लिएर ब्यापारी अजय सुमार्गी पनि पुगेका थिए ।

 

शुक्र, बैशाख २७, २०७६ मा प्रकाशित

यसमा तपाइको मत

Loading...
Loading...

बाट अन्य

मकवानपुरको मनहरी क्षेत्रमा गोली चले

५ साउन, काठमाडौं । मकवानपुरको मनहरी क्षेत्रमा गोली चलेको छ । गाँजा तस्करीमा संलग्न व्यक्तिलाई पक्राउ गर्ने क्रममा गएराति गोली चलेको हो । मकवानपुर प्रहरी प्रमुख एसपी मुकेश सिंहले अनलाइनखबरलाई बताएअनुसार घटनामा संलग्नलाई सार्वजनिक गर्न अहिले पत्रकार सम्मेलन आयोजना गरिएको छ । उनले पक्राउ पर्नेको नाम भने...

अविरल वर्षाका कारण ज्यान गुमाउनेको संख्या ५० पुगे

२९ असार, काठमाडौं । बिहीबार रातिदेखि परेको अविरल वर्षाका कारण ज्यान गुमाउनेको संख्या ५० पुगेको छ । वर्षाका कारण आएको बाढी र पहिरोका कारण आइतबार विहानसम्म ज्यान गुमाउनेको संख्या ५० पुगेको हो । प्रहरी प्रधान कार्यालय, नक्सालका अनुसार २५ जना घाइते छन् । घाइतेको सम्बन्धित जिल्लाका अस्पतालहरुमा...

भारतले खोल्न नमानेको बाँध बाढीले भत्कायो,गरिबको कोही नभए पनि भगवान त रहेछ नि

रौतहट । भारतले खोल्न नमानेको बाँध बाढीले भत्काउँदा रौतहटमा पानीको सतह घट्न थालेको छ । भारतको बैरगनिया र रौतहटको गौरकोबीचमा पर्ने भारतीय बाँधका कारण सदरमुकाम गौरसहित रौतहटका अधिकांश बस्ती डुबानमा परेर खोल्न आग्रह गर्दा पनि भारतीय पक्षले खोल्न अटेरी गरेको बाँध अन्ततः बाढीले भत्काएको हो...

पहिरोले घर पुरिँदा बनेपा-३, चुनातालमा २ जनाको घटनास्थलमा नै मृत्यु

काभ्रे — पहिरोले घर पुरिँदा बनेपा-३, चुनातालमा २ जनाको घटनास्थलमा नै मृत्यु भएको छ । रामप्रसाद दंगालको घर पुरिँदा उनकी श्रीमती अन्दाजी ५५ वर्षीय गोमा र उनकी ७ वर्षीय नातिनी सुहावीको मृत्यु भएको जिल्ला प्रहरी कार्यालय काभ्रेले जनाएको छ । घटनामा परी उनकी बुहारी ३० वर्षीय...

दुर्लभ गङ्गेटिक प्रजातिको डल्फिन कैलालीको नदीमा देखिन थाले

असार, कैलाली । दुर्लभ गङ्गेटिक प्रजातिको डल्फिन कैलालीको नदीमा देखिन थालेको छ । नदीमा जलस्तर बढेपछि मोहना, पथरैया, कांडलगायतका नदीमा डल्फिन देखिन थालेका हुन् । यहाँको नदीमा हरेक मनसुनमा चेतनशील जलप्राणी डल्फिन देखिने गर्दछ । यो वर्ष अहिले कम्तीमा चार वटा डल्फिन देखिएको स्थानीय संरक्षणकर्मी भोजराज...

प्रधानमन्त्रीका प्रमुख सल्लाहकार बिष्णु रिमालको ट्वीटले आइतबार सामाजिक सञ्जाल गर्मायो

२२ असार,काठमाडौं । प्रधानमन्त्रीका प्रमुख सल्लाहकार बिष्णु रिमालको ट्वीटले आइतबार सामाजिक सञ्जाल गर्मायो । यो बहसमा सत्तारुढ नेपाल कम्युनिस्ट पार्टी (नेकपा)कै नेता कार्यकर्ता छन् । केहीले रिमालको ट्वीटको समर्थन गरेका छन् भने केहीले विरोध । के लेखेका छन् रिमालले ? रिमालले ‘छौंडाहरुलाई कसैले छाडेको हो कि आफैं...