खेलकुद

दक्षिण एसियाली राष्ट्रको सबैभन्दा ठूलो खेल मेला(साग)को प्रतिक र मस्टक सार्वजनिक


दक्षिण एसियाली राष्ट्रको सबै भन्दा ठूलो खेल मेला दक्षिण एसियाली खेलकुद (साग) को १३ औं संस्करणको प्रतिक र मस्टक सार्वजनिक भएको छ ।

युवा तथा खेलकुद मन्त्रालयमा सोमबार एक कार्यक्रम आयोजना गर्दै खेलकुद मन्त्री जगतबहादुर विश्वकर्माले १३ औं सागको मस्कर र लोगो सार्वजनिक गरे । १३ औं साग नेपालमा मंसिर १५ देखि २४ गते सम्मका लागि तय भएको छ ।

लोगोले प्रतिक चिन्नको सार्क राष्ट्रबीच आपसी एकता,भाईचारा र स्वतन्त्र रुपमा उच्च लक्ष्य राख्ने प्राप्तिको चाहानालाई दर्शाउने रहेको बताइएको । खुला प्रतिस्पर्धापछि चित्रकार भोलानाथ पौड्यालले तयार पारेको लोगो छनोट भएको हो । सागमा मस्कटको रुपमा पश्चिम नेपालमा लोप उन्मुख अवस्थामा रहेको कृष्णासारको प्रयोग गरिएको छ । कृष्णासारको संरक्षण सन्देशका लागि मस्कटको प्रयोग गरिएको बताइएको छ ।

खेलकुदमन्त्री विश्वकर्माले आठौं राष्ट्रिय खेलकुदमा भएको कमी कजमोरीलाई सुधार गर्दै साग समयमै सम्पन्न गर्ने बताएका छन् । सागमा नेपालले धेरै भन्दा धेरै पदक जित्नको लागि त्यहि अनुरुपका तयारी गर्नुपर्ने उल्लेख गर्दै प्रशिक्षणका लागि विदेशी प्रशिक्षकको व्यवस्था गरिने बताए ।

राष्ट्रिय खेलकुद परिषदका सदस्य सचिव केशव कुमार विष्टले पूर्वाधार कारण साग प्रभावित नहुने दाबी गर्दै दशरथ रंगाशाला र पोखराको रंगशाला दुवै निर्माणाधिन अवस्थामा रहेको छ ।
सदस्य सचिव विष्टले सागका लागि सबै पूर्वाधार असार सम्म सम्पन्न हुने जानकारी दिए । उनले १३ औं सागका लागि झन्डै ४ अर्ब रुपैयाँ खर्च हुने अनुमान गरे ।

नेपाली खेलाडीको तयारी जेठको पहिलो साताबाट हुने उल्लेख गर्दै विष्टले भदौमा हुने राखेप च्याम्पियनसिप पछि खेलाडीको अन्तिम छनोट गरिएने बताए । राखेप च्याम्पिनसिपमा सबै यसै महिना प्रदेश ५ सम्पन्न आठौं राष्ट्रिय खेलकुदमा भाग लिएका खेलाडीले प्रतिस्पर्धा गर्नेछन् ।

प्रतिक (लोगो) को विशेषता ?
चित्रकार पौड्याल अनुसार प्रतिक चिन्हमा राखिएको परेवाको आकृति एवम् त्यसका प्रयोग रंगले शान्तिको सन्देश दिन्छ । साथै त्यसको पृष्ठभूमिमा रहेको सोही रंगको रेखाले द्धैध अर्थ बोकेको छ । जसमा एउटा स्वच्छन्त रुपमा उँभोतर्फ उडिरहेको परेवाको पखेटा र अर्को तिर देशलाई प्रतिनिधित्व गराउने निश्चल हिमाल ।

त्यस्तै, देब्रेतर्फ राखिएको प्वाँखाकृतिले परेवारुपी आकृतीलाई मास्तिर उड्न गति प्रदान गर्ने सन्देश दिएको छ । प्वाँखरुपी सात आकृतिले सात सदस्य राष्ट्रको प्रतिनिधित्व गर्दछ । सात प्वाँखले रंगशालाको ट्रयाक समेतलाई बुझाउने र त्यसमा प्रयोग रंगले सम्बिन्धित राष्ट्रको प्रतिनिधित्व गरेको छ ।

लोगोका लागि खुला प्रतिस्पर्धामा ६ जनाको आवेदन परेको थियो । जसमा विराटनगरका पौड्यलको लोगो छनोटमा परेको बतइएको छ । उनले १ लाख रुपैयाँ पुरस्कारका रुपमा पाउने बताइएको छ ।

मङ्ल, बैशाख ३१, २०७६ मा प्रकाशित

यसमा तपाइको मत

Loading...
Loading...

बाट अन्य

१३ औं सागमा स्वर्ण पदक विजेता खेलाडीहरुलाई सरकारले जनही ९ लाख दिने

काठमाडौं । १३ औं दक्षिण एसियाली खेदकुद प्रतियोगिता (साग)मा स्वर्ण पदक विजेता खेलाडीहरुलाई सरकारले जनही ९ लाख दिने भएको छ । बुधबार दिउँसो बालुवाटारमा आयोजित एक कार्यक्रममा प्रधानमन्त्री केपी शर्मा ओलीले स्वर्ण विजेता खेलाडीहरुलाई प्रतिब्यक्ति नौ लाख दिने घोषणा गर्नुभएको हो । त्यस्तै प्रधानमन्त्री ओली रजत जित्ने...

भुटानलाई हराउँदै नेपालले १३औं दक्षिण एसियाली खेलकुद (साग) फुटबलको स्वर्ण नेपालले जिते

२४ मंसिर, काठमाडौं । भुटानलाई हराउँदै नेपालले १३औं दक्षिण एसियाली खेलकुद (साग) अन्तरगत पुरुष फुटबलको स्वर्ण नेपालले जितेको छ । साग फुटबलमा नेपालको यो लगातार दोस्रो पटक उपाधि हो भने समग्रमा चौथो । मंगलबार भएको फाइनल भिडन्तमा नेपालले भुटानलाई २-१ गोल अन्तरले हराएको हो । त्रिपुरेश्वरस्थित दशरथ...

१४ औं दक्षिण एसियाली खेलकुद प्रतियोगिता पाकिस्तानमा गर्ने निर्णय

मंसिर, काठमाडौं । १४ औं दक्षिण एसियाली खेलकुद प्रतियोगिता पाकिस्तानमा गर्ने निर्णय भएको छ । सोमबार बसेको दक्षिण एसियाली ओलम्पिक काउन्सिलको बैठकले १४ औं साग पाकिस्तानमा गर्ने निर्णय गरेको नेपाल ओलम्पिक कमिटीले जानकारी दिएको छ । बैठकको निर्णयमा भनिएको छ ‘आगामी १४ औं दक्षिण एसियाली खेलकुद प्रतियोगिता...

दक्षिण एसियाकै सबैभन्दा सानो देश माल्दिभ्सले दक्षिण एसियाली खेलकुद (साग) मा पहिलो पटक स्वर्ण

१७ मंसिर, काठमाडौं । क्षेत्रफलमा दक्षिण एसियाकै सबैभन्दा सानो देश माल्दिभ्सले दक्षिण एसियाली खेलकुद (साग) मा पहिलो पटक स्वर्ण पदक जितेको छ । सागको ३५ वर्षे इतिहासमा उसले एथ्लेटिक्सबाट स्वर्ण जितेको हो । १०० मिटर दौड १०.४९ सेकेन्डमा पुरा गरेर हसन साइदले इतिहास रचेका हुन ।...

तेक्वान्दो खेलाडी आयशा शाक्य १३ औं दक्षिण एसियाली खेलकुद (साग) मा दोस्रो स्वर्ण जिते

१६ मंसिर, काठमाडौं । तेक्वान्दो खेलाडी आयशा शाक्य १३ औं दक्षिण एसियाली खेलकुद (साग) मा दोस्रो स्वर्ण जितेकी छिन् । उनले पुम्सको एकल र टिममा स्वर्ण जितेकी हुन् । आयशाले ३० वर्षमाथि प्रतिस्पर्धा गरेकी उनले ७.०४० अंकका साथ स्वर्ण पदक जितेकी थिइन् । त्यसपछि टिममा संजीवकुमार ओझासँग...

नेपाली महिला भलिबल टिमको जितका साथ साग खेलकुदको प्रतियोगिता सुरु

काठमाण्डौ – दक्षिण एसियाली खेलुकद (साग) अन्तर्गत नेपाली महिला भलिबल टिमले जितका साथ प्रतियोगिता सुरु गरेको छ । बुधबार भएको पहिलो खेलमा नेपाली महिला टिमले बंगलादेश टिमलाई ३–० ले पराजित गरेको हो । त्रिपुरेश्वरको राष्ट्रिय खेलकुद परिषद् (राखेप) को कभर्ड हलमा भएको खेलमा नेपालले पहिलो सेटमा...