राजनिति

समानुपातिक सांसदले पनि रकम पाउने


२९ जेठ, विराटनगर । प्रदेश १ सरकारले समानुपातिक सांसदहरुलाई पनि संसद् विकास कोषमार्फत रकम बाँड्ने भएको छ ।

संघीय सरकारको अनुशरण गदै आगामी आर्थिक वर्ष ०७६/७७ देखि प्रदेश १ सरकारले समानुपातिक सांसदहरुका लागि पनि रकम बाँड्न लागेकाे हाे । त्यसका लागि उसले संसद् विकास कोष निर्माण गर्न लागेकाे छ ।

समानुपातिक सांसदहरुले संसद् विकास कोषको बजेट नपाएको भन्दै चर्को विरोध गरेपछि प्रदेश १ सरकारले संसद विकास कोष निर्माण गर्न लागेको आर्थिक मामिला तथा योजना मन्त्रालयले जनाएको छ ।

मन्त्रालय स्रोतका अनुसार, आगामी आर्थिक वर्षको बजेटमार्फत समानुपातिक सांसदका लागि संसद् विकास कोष निर्माण गर्ने तयारी भएको छ ।

‘सांसद् विकास कोष निर्माणको लागि आवश्यक छलफल भइरहेको छ, समान्यतया २५ देखि ५० लाखको कोष बनाउनेबारे छलफल भइरहेको छ’, मन्त्रालय स्राेतले भन्याे ।

आगामी आर्थिक वर्ष ०७६/७७ का लागि प्रदेश सरकारले संसदमा पेश गरेको नीति तथा कार्यक्रमको विषयमा उठेका प्रश्नको जवाफ दिँदै यसअघि मुख्यमन्त्री शेरधन राईले पनि सबै सांसदलाई उचित सम्मानका साथ रकम प्रदान गरिने बताएका थिए । प्रदेश १ संसद्मा हाल ९३ सांसद् छन् । जसमा ५६ प्रत्यक्ष र ३६ समानुपातिक छन् ।

‘प्रदेश सरकार सबै सांसदलाई विकास बजेटको माध्यमबाट जनतासँग जोड्न चाहन्छ’, राईले भने, ‘अघिल्लोपटक ५६ जनामा केन्द्रित भयो भन्ने सुनेको छु । तर, यस वर्ष ९३ जनालाई नै दिने गरी गृहकार्य भइरहेको छ ।’

यसअघि सांसदले संसद् विकास कोषमार्फत प्रत्येक सांसदलाई एक करोड दिनुपर्ने र निर्वाचन क्षेत्र पूर्वाधार विकास कार्यक्रम पाँच करोडसम्म पुर्‍याउन माग गरेका थिए । प्रदेशमा प्रत्यक्ष निर्वाचित सांसदका लागि पूर्वाधार विकास कार्यक्रममार्फत चालू आर्थिक वर्षमा सरकारले दुई करोड बजेट छुट्याएकाे थियो ।

यसैबीच, निर्वाचन क्षेत्र पूर्वाधार विकास कार्यक्रमअन्तर्गत प्रत्येक निर्वाचन क्षेत्रलाई तीन करोडका दरले रकम विनियोजन गर्ने तयारी पनि प्रदेश सरकारले गरेको छ ।

आर्थिक मार्मिला तथा योजना मन्त्री इन्द्र आङ्म्बोले संसद् विकास कोष र निर्वाचन क्षेत्र विकास कोषका लागि २ अर्बको सीमाभित्र समेट्ने तयारी भइरहेको जानकारी दिए ।

‘निर्वाचन क्षेत्र विकास कोषसँगै संसद विकास कोष स्थापनाले प्रदेश सरकारको व्ययभार थपेको छ’, मन्त्री आङ्म्बोले भने, ‘यी दुवै कार्यक्रम वितरणमुखी हुनेछन ।’

उनले संसद विकास कोषमार्फत सांसदले छनौट गरेको योजनाका लागि प्रदेश सरकारले स–शर्त स्थानीय तहको सञ्चित खातामा रकम पठाउने जानकारी दिए ।

‘योजना र कार्यक्रम छनौट स्थानीय तहले गर्नेछ’, मन्त्री आङ्म्बोले भने, ‘त्यसको अनुगमनको काम माननीयबाट हुनेछ ।’

बुध, जेष्ठ २९, २०७६ मा प्रकाशित

यसमा तपाइको मत

Loading...
Loading...

बाट अन्य

काश्मीरमा भारतविरोधी ठूलो आन्दोलन उठ्न खोज्दै

साउन । भारत सरकारले झन्डै ७० वर्षसम्म कायम रहेको विशेष संवैधानिक हैसियत खारेज गरिदिएपछि सोमबार यता भारत प्रशासित कश्मीर अभूतपूर्व बन्दको अवस्थामा छ । श्रीनगरस्थित बीबीसी सम्वाददाताका अनुसार कश्मीर क्षेत्रका जनता धोका पाएको तीतो अनुभूति गरिरहेका छन् र भित्रभित्रै आक्रोशित छन् । बन्दुक बोकेका हजारौँ सुरक्षा...

लिम्घामा गएको पहिरोमा ज्यान गुमाउनेको संख्या १३ पुगे

९ साउन, गुल्मी । गुल्मीको सत्यवती गाउँपालिका वडा नम्बर ३ ठूलो लुम्पेक र वडा नम्बर ४ लिम्घामा गएको पहिरोमा ज्यान गुमाउनेको संख्या १३ पुगेको छ । लिम्घाका डेढ वर्षीय बालक सञ्जु विक र ७ वर्षीया तारा विक तथा ठूलोलुम्पेकका माया विक र बबी विकको शव फेला...

‘मदन पुरस्कार–२०७५’ का लागि ७ कृति छनोटमा

२५ असार, काठमाडौं । ‘मदन पुरस्कार–२०७५’ का लागि ७ कृति छनोटमा परेका छन् । मदन पुरस्कार गुठीको ‘श्रेष्ठ सूची’ तयार गर्न गठित समितिले विभिन्न सात कृति पुरस्कारका लागि छनोट गरेको हो । मदन पुरस्कार गुठीका अध्यक्ष कुन्द दीक्षितले प्राप्त २५७ कृतिमध्ये ७ वटालाई छनौट समितिको सिफारिसमा...

सैनिक श्रीमती संघ, नेपाल प्रहरी श्रीमती संघजस्ता श्रीमानको हैसियतको आधारमा निर्माण भएका संस्थाहरु खारेज गर्न माग

असार, कामठाडौं । नेपाल कम्युनिस्ट पार्टीकी सांसद पंफा भुसालले सैनिक श्रीमती संघ, नेपाल प्रहरी श्रीमती संघजस्ता श्रीमानको हैसियतको आधारमा निर्माण भएका संस्थाहरु खारेज गर्न माग गरेकी छन् । आइतबार संसदमा विशेष समय लिएर बोल्दै उनले मुलुकबाट सामन्तवादी शासन व्यवस्था अन्त्य भए पनि राज्यका निकायमा अझै पितृसत्तावादी...

प्रधानमन्त्री केपी शर्मा ओली साताव्यापी युरोप भ्रमण पूरा गरी आइतबार स्वदेश फर्कँदै

काठमाण्डौ – प्रधानमन्त्री केपी शर्मा ओली साताव्यापी युरोप भ्रमण पूरा गरी आइतबार स्वदेश फर्कँदै हुनुहुन्छ । यही जेठ २५ गते स्वीट्जरल्याण्ड, बेलायत र फ्रान्सको भ्रमणमा जानुभएको प्रधानमन्त्री आइतबार स्वदेश फर्कन लाग्नुभएको उहाँका प्रेस संयोजक चेतन अधिकारीले जानकारी दिनुभयो । उहाँका अनुसार शनिबार साँझ ५ बजे स्वीट्जरल्याण्डको...

टोखाको मौलिकता फर्काउन विदेशीको सहयोग लिन सुझाव

टोखा ⁄ सांस्कृतिक संरक्षित क्षेत्र टोखाको मौलिकता संरक्षण गर्न विदेशीको सहयोग लिन सुझाव दिन थालिएको छ । मंगलबार टोखा केब मिनी फन पार्कमा आयोजना गरिएको टोखा संस्कृति सम्पदा संरक्षण दबूको विशेष भेलामा प्रमुख अतिथि नेपाल पर्यटन बोर्डका कार्यकारी प्रमुख दीपक राज जोशीले भक्तपुर, बन्दीपुर, पनौती...