साहित्य गतिबिधि

“सपनामा भगवानसँगको कुरा” कथा संग्रह लोकार्पण 


 

काठमाडौँ, असार ६ गते ।
पूर्व मेजर टंकबहादुर बजगाई खत्रीको कथासङ्ग्रह ‘सपनामा भगवानसँगको कुरा’ एक कार्यक्रमको बीच लोकार्पण गरिएको छ । गुरू नारायणाचार्य कौशिक रिमालको सभापतित्वमा सञ्चालन भएको लोकार्पण कार्यक्रममा प्रमुख अतिथि पूर्व सहायक रथी तेजप्रकाश बानियाँ लगायत विशिष्ट अतिथि तथा अतिथिहरूले खत्रीको कथासङ्ग्रहको सामूहिक रूपमा लोकार्पण गर्नुभएको थियो ।
कथासङ्ग्रहको लोकार्पण गर्दै प्रा.डा. गार्गी शर्माले लेखकले कृति आफ्नो पहिचानको लागि छोडेर जान लेखिनुभन्दा कृतिको सिर्जनाले आपूmलाई सन्तुष्टी दिनुपर्छ र आत्म सन्तुष्टीकोे लागि नै सिर्जनाले बढी जोड दिनुपर्छ, भन्नुभयो । प्रमुख अतिथि बानियाँले लेखकका सिर्जनाहरू समाज हितको लागि हुनुपर्ने बताउनुभयो ।
कार्यक्रमका विशिष्ट अतिथिहरू डा.सत्यराज थपलिया, डा.शैलेन्दुप्रकाश नेपाल र डा.बिदुर चालिसेले लेखक टंक खत्रीका सङ्ग्रहभित्रका कथाहरू छोटा र थोरै भए पनि कथाले धर्म, संस्कृति, इतिहास, देश, समाज र प्रकृतिलाई कुनै न कुनै रूपमा छोएका छन्, तिनमा आफ्ना विचार र भावना प्रस्तुत गरेका छन्, भन्नुभयो । भाषा बोधगम्य, सरल र हृदय स्पर्शी रहेको पनि बताउनुभयो । आफ्नो समीक्ष्यात्मक विचार राख्दै रत्नप्रसाद अनामणि श्रेष्ठले जसरी हतियारलाई नचलाई राख्दा खिया लाग्छ, त्यसैगरी सिर्जनामा पनि सधैँ निखार ल्याउनुपर्ने, तिखार ल्याउनुपर्ने र साँध लगाइरहनुपर्छ, भन्ने बताउनुभयो ।
त्यस अवसरमा उमेश पाण्डे, कृष्णप्रसाद अधिकारी, दुर्गाप्रसाद अधिकारी, दामोदार ढकाल दीपक, भगीरथ काफ्ले, तारा के.सी., धरणीधर गुरागाई, प्रशान्त डंगोल, गङ्गा आचार्य सेढाई, सुचिता काफ्ले, डिकेस मगर र आशिष तामाङले पनि लेखक खत्रीलाई शुभकामना व्यक्त गर्नुभएको थियो ।
लामो समय सैनीक पेसामा रहेर सेवा निवृत्त हुनुभएको २० वर्षपछि सेनानी खत्रीका सपनामा भगवानसँगको कुरा (कथासङ्ग्रह–२०७६) को साथै उग्रचण्डी नाला (सन्देशमूलक चिनारी–२०७३), हजुरआमाको गीत (बाल गीतसङ्ग्रह–२०७४) र सम्झना (जीवनी–२०७५) समेत गरी ४ वटा कृतिहरू प्रकाशित भइसकेका छन् ।
गौरी पब्लिक रिलेशन एन पब्लिकेशन काठमाडौँले प्रकाशनमा ल्याएको ‘सपनामा भगवानसँगको कुरा’ कथासङ्ग्रह ३ वटा कथाहरू रहेका छन् भने यसको मूल्य रु.५५।– राखिएको छ ।

शनि, असार ७, २०७६ मा प्रकाशित

यसमा तपाइको मत

Loading...
Loading...

बाट अन्य

मैत्रीपूर्ण साक थोन–२०७६ सम्पन्न

काठमाडौँ, असोज ११ गते । संसाक मासिक, साहित्यकार खेलकुद समाज नेपाल र काठमाडौँ ग्लोबल स्कुलको संयुक्त आयोजनामा डा.शैलेन्दुप्रकाश नेपालको सभापतित्व र नेपाल प्रज्ञा–प्रतिष्ठानका सदस्यसचिव प्राध्यापक जगत्प्रसाद उपाध्याय प्रेक्षितको प्रमुख आतिथ्यको साथै प्रदेश नं. ३, काठमाडौँ क्षेत्र नं. ६ का सभासद् दीपक निरौलाको विशिष्ट आतिथ्यमा साहित्यकार, कविहरूको...

राष्ट्रकवि माधवप्रसाद घिमिरे १०१ वर्षमा प्रवेश

७ असोज, काठमाडौं । राष्ट्रकवि माधवप्रसाद घिमिरे १०१ वर्षमा प्रवेश गरेका छन् । विक्रम संम्वत् १९७६ असोज ७ गते लमजुङको पुस्तन गाउँमा जन्मिएका घिमिरे आजबाट १०१ वर्षमा प्रवेश गरेका हुन् । घिमिरे स्वच्छन्दतावादी भावधारा र परिष्कारवादी शैली अपनाएर साहित्य सिर्जना गर्ने साहित्यकारका रूपमा चिनिन्छन् । उनले कविता,...

गोंगबु साहित्य समाजका सचिब तारा केसीलाई इडन ब्रिज एकेडमी बाल साहित्य सम्मान

इडन ब्रिज एकेडेमीले काभ्रेपलाञ्चोक पनौतीकी कवि तथा कथाकार तारा केसीलाई इडन ब्रिज एकेडमी बाल साहित्य सम्मान प्रदान गरेको छ । नेपाली साहित्यमा ओझेलमा परेको बाल साहित्यको उत्थान र विकासमा पुयाएको योगदानको कदर गर्दै एकेडेमीले कवि तथा कथाकार केसीलाई दोसल्ला ओढाएर सम्मानपत्रका साथमा नगद तीन हजार...

अक्षरमार्ग साहित्यिक त्रैमासिकको सातौं वार्षिक उत्सवको अवसरमा छ श्रष्टा सम्मानित

पनौतीमा वरिष्ठ साहित्यकार तथा नेपाल प्रज्ञा प्रतिष्ठानका पूर्व कुलपति श्री बैरागी काइँलाले नेपाली भाषा र साहित्यको श्रीबृद्धिमा उल्ल्ेखनीय योगदान पु¥याएका छ जना वाङ्मयसेवीहरूलाई एक कार्यक्रम वीच सम्मान गरेका छन् । अक्षरमार्ग साहित्यिक त्रैमासिकको सातौं वार्षिक उत्सवको अवसरमा आयोजित सो कार्यक्रममा प्रमुख अतिथि श्री नेपालीले उहाँहरुलाई सम्मान...

‘मदन पुरस्कार–२०७५’ का लागि ७ कृति छनोटमा

२५ असार, काठमाडौं । ‘मदन पुरस्कार–२०७५’ का लागि ७ कृति छनोटमा परेका छन् । मदन पुरस्कार गुठीको ‘श्रेष्ठ सूची’ तयार गर्न गठित समितिले विभिन्न सात कृति पुरस्कारका लागि छनोट गरेको हो । मदन पुरस्कार गुठीका अध्यक्ष कुन्द दीक्षितले प्राप्त २५७ कृतिमध्ये ७ वटालाई छनौट समितिको सिफारिसमा...

साहित्यिक मैत्रीपूर्ण भलिबल खेल नुवाकोटमा सम्पन्न

काठमाडौँ, जेठ १७ गते शुक्रबार । संसाक मासिक र साहित्यकार खेलकुद समाज नेपालको आयोजनामा श्रीजनज्ञान निकेतन मा.वि., थानापति, नुवाकोटमा साहित्यकार र शिवपुरी गाउँपालिका भित्रका शिक्षकहरूको बीचमा मैत्रीपूर्ण भलिबल खेल सम्पन्न भयो । खेल उद्घाटन गर्दै गाउँपालिकाका अध्यक्ष, रामकृष्ण थापाले साहित्यकार तथा विद्वान मित्रहरूसँगको सामिप्यमा यसरी खेल खेल्न...