प्रमुख समाचार

प्रधानमन्त्रीका प्रमुख सल्लाहकार बिष्णु रिमालको ट्वीटले आइतबार सामाजिक सञ्जाल गर्मायो


२२ असार,काठमाडौं । प्रधानमन्त्रीका प्रमुख सल्लाहकार बिष्णु रिमालको ट्वीटले आइतबार सामाजिक सञ्जाल गर्मायो । यो बहसमा सत्तारुढ नेपाल कम्युनिस्ट पार्टी (नेकपा)कै नेता कार्यकर्ता छन् । केहीले रिमालको ट्वीटको समर्थन गरेका छन् भने केहीले विरोध ।

के लेखेका छन् रिमालले ?

रिमालले ‘छौंडाहरुलाई कसैले छाडेको हो कि आफैं चलमलाएका’ भन्दै आक्रामक ट्वीट गरेका छन् ।

Bishnu Rimal@BishnuRimal

भनिन्छ, छौंडाहरू
आफैं चलमलाउँदैनन्
कसैले छोड्छन्,
दु:ख दिन्छन् !
यी छौंडाहरू
आफैं चलमलाएका हुन् की
कसैले छोडेका?

सरकार पछिल्लो समय आफ्नै निर्णयहरुका कारण एकपछि अर्को प्रकरणमा फस्दै जाँदा पार्टीभित्रै रक्षात्मक अवस्थामा पुगेको बेला रिमालले छौंडा भनेर आफ्नै पार्टीभित्र संकेत गरेको धेरैको अनुमान छ ।

पछिल्लो समय भीम रावल लगायतले सार्वजनिक रुपमा सरकारका कामप्रति तीव्र असहमति जनाइरहेका छन् । भारतबाट आयात हुने तरकारी तथा फलफूलमा विषादी परीक्षण गर्ने निर्णय फिर्ता लिएपछि नेताहरुले भारतसामू झेकेको हो भन्ने प्रश्न गरेका थिए ।

जवाफमा प्रधानमन्त्री ओलीले सरकारका कामबारहीबारे कुनै अहसमति भए पार्टी बैठकहरुमा राख्न सकिने तर बाहिर सरकारविरुद्ध अभिव्यक्ति दिनु संसदीय मर्यादा विपरित रहेको बताएका थिए । सरकारको काम कारवाही र एकपछि अर्को विवादबारे पार्टीभित्रै केही नेताले चर्को बिरोध गर्दा सरकार अप्ठ्यारोमा परेको उनको गुनासो थियो ।

तर संसदीय दलको बैठकपछि रावलले पत्रकारहरुसँग कुरा गर्दै विषादी परीक्षण गर्ने निर्णय रोक्न भारतले दबाव दिनु र सरकारले त्यसअनुसार गरेको भन्दै आश्चर्य व्यक्त गरेका थिए । माधवकुमार नेपाल लगायतका नेताहरुले पनि असन्तुष्ट जनाए ।

त्यही बेला प्रधानमन्त्रीका सल्लाहकार रिमालको सांकेतिक तर कटाक्षपूर्ण ट्वीट आउनु संयोगमात्र मान्न सकिन्न ।

सत्तारुढ नेकपा पंक्तिमा पनि खैलाबैला मच्चिएको छ । स्थायी कमिटी सदस्य र सरकार सञ्चालनमा निर्णायक भूमिका खेलेका रिमालाको ट्वीटप्रति शीर्ष नेताहरुले समेत चासो देखाएका छन् ।

पार्टीभित्रैबाट प्रतिवाद

रिमालको ट्वीट भाइरल बनेपछि नेकपा केन्द्रीय सदस्य विष्णु रिजालले सांकेतिक कटाक्ष गर्दै अर्को ट्वीट गरे । बिष्णु रिमाल सम्झेर आफूलाई गाली आउन थालेको संकेत गर्दै उनी लेख्छन्–मेरो नाम बिष्णु रिजाल हो ।

अर्का केन्द्रीय सदस्य डा. बिजय पौडेल लेख्छन्, विष्णु सर यो अमूर्त कविता कसका लागि हो ? के यो तपाईकै ह्याण्डल हो ? हो भने यस्तो नलेख्नुस् । गलत गर्नेका विरुद्ध वैचारिक तरिकाले लेखम है । यस्तो रिस लागेजस्तो नदेखाम् ।

रिमालको ट्वीटमा धेरै नेकपा कार्यकर्ताले प्रतिवाद गरेका छन् । विद्यार्थी नेता अशेष घिमिरे लेख्छन्–सत्ताको केन्द्रमा बस्ने एउटा महत्वपूर्ण पात्र कसरी खतरनाक बन्दै जान्छ, कसरी उसमा विनशीलता, नम्रता नष्ट हुँदै जान्छ, बडो मजासँग सिक्न सकिन्छ । तपाई आजको कालखण्डको ध्यान दिइनपुर्ने उदाहरण हो ।’

अखिलकै पूर्व नेता उषाकिरण तिम्सिना लेख्छिन्–कमरेड तपाईँ पार्टीको स्थायी कमिटी सदस्य र प्रमको सल्लाहकार पदबाट राजिनामा दिनुस् । यो चेतनास्तरले दुवै पदलाई न्याय गर्न सक्दैन ।

रिमालको समर्थन गर्नेहरु पनि छन् । विद्यार्थी आरसी लामिछाने लेख्छन्–छौडालाई दौडाउन लागिपर्नेहरु भित्रकै हुन पो भन्छन् हौ । तीर्थ भट्टराई लेख्छन्–विष्णु कमरेडको ट्वीटको अर्थ जसले बुझ्छ, त्यो देशप्रति र जनताप्रति उत्तरदायी रहेछ भन्ने बुझिन्छ । नबुझी बुरुक्क उफ्रिनेहरुले ओली सरकारलाई गरिएको घेराबन्दीबारे बिस्तारै थाहा पाउनेछन् र जनताको सरकारप्रतिको यो प्रहार बिरुद्ध ट्वीट ठिकै रहेछ भन्ने बुझ्नेछन् ।

रिमालको ट्वीटमा उल्लेखित छौंडा शब्द ढाडे विरोलोसँग सम्बन्धित रहेको निकटवर्तीहरु बताउछन् । कसैले छाडेको छौंडाले घर पिरोल्ने र पराइलाई फाइदा पु¥याउने गरेको उनीहरुको भनाइ छ ।

उनीहरु भन्छन्–त्यस्तो ढाडे बिरालो जसल घरको र छिमेकी दुवैतिरको दूध चोरेर खान्छ । गुप्तचरजसरी घर वरिपरि घुम्छ, घरको सदस्य देखेमा म्याउँ पनि गर्छ । तर मुसा चाहिँ छिमेकीको घरमा गएर मार्छ । त्यो छौंडाले घर परिोल्छ छिमेकीको मुसा मारेर सघाउछ ।

के भन्छन् रिमाल ?

प्रधानमन्त्रीका प्रमुख सल्लाहकार रिमालले भने ट्वीटमा आफ्नो भावना मात्र व्यक्त भएको भन्दै कसैप्रति लक्षित नरहेको बताएका छन् । नेकपाभित्रै संकेत गरेको हो ? भन्ने अनलाइनखबरको प्रश्नमा रिमालले भने, ‘कुनै व्यक्तिप्रति लक्षित होइन, कसैसँग मेल खान गएमा संयोगमात्र हुनेछ । मनको भावना व्यक्त गरेको कुरा पनि समाचार बन्छ र ? यो बिशुद्ध भावनात्मक कुरा हो ।

आइत, असार २२, २०७६ मा प्रकाशित

यसमा तपाइको मत

Loading...
Loading...

बाट अन्य

ढुक्क हुनुहोस् मंसिरदेखि रेल गुड्छ

धनुषा – जनकपुर–जयनगर रेल चल्ने कुरा हुन थालेको धेरै भयो । तर रेल चल्छ कि चल्दैन, चल्यो भने कहिलेदेखि चल्छ भन्ने यकिन हुन नसक्दा आशाभन्दा बढी निराशा छाउन थालेको छ । ‘रेल चल्ने कुरा हात्ती आयो हात्ती आयो फुस्सा भन्ने उखान जस्तै भयो । झण्डै डेढ...

समिट होटलको ३९ औ बार्षिक उत्सब भब्य रुपमा सम्पन्न

हरेक बर्ष सेक्टेम्बर १५ तारिकका दिन यस समिट होटलको ३९ औ बार्षिक उत्सब मा समिट होटलको आयोजनामा भएको ४ कि.मि.दौड प्रतियोगितामा पुरष ५७  र महिला १४  गरि जम्मा ७१ जनाको सहभागितामा भएको दौड प्रतियोगितामा पुरष तर्फ़ प्रथम बुद्ध घिसिंग, (१५.६) दोस्रो बाबुराम राई,(१६.६) तेस्रो मनोज...

गोलढुंगामा प्रहरीले गोली हानी पक्राउ गरे साजन गुरुङलाई

२७ भदौ, काठमाडौं । काठमाडौंको गोलढुंगामा प्रहरीले गोली हानी पक्राउ गरेको साजन गुरुङ उर्फ नजोक गुण्डा नाइके समिरमान सिंह बस्न्यातको सहयोगी भएको खुलेको छ । महानगरीय अपराध अनुसन्धान महाशाखाका एक अधिकृतका अनुसार साजनले समिरको समूहमा दोस्रो तहको सदस्यको रुपमा काम गर्ने गरेका थिए । बस्न्यात अहिले केन्द्रीय कारागार...

नेत्रविक्रम चन्द (विप्लव)का छोरा प्रकाश चन्दलाई प्रहरीले मुक्त

२६ भदौ, काठमाडौं । प्रतिवन्धित नेकपा समूहका महासचिव नेत्रविक्रम चन्द (विप्लव)का छोरा प्रकाश चन्दलाई प्रहरीले मुक्त गरेको छ । चितवनको भरतपुरस्थित चितवन मेडिकल कलेजका आन्दोलनरत विद्यार्थीहरुसँगै प्रकाशलाई पनि प्रहरीले पक्राउ गरेको थियो । अस्पतालभित्र हुलहुज्जत गर्न खोजेको भन्दै प्रकाशसहित एक दर्जन बढी विद्यार्थीहरुलाई प्रहरीले नियन्त्रणमा लिएको...

राष्ट्रपति सी जिनपिङको भ्रमणको पूर्वसन्ध्यामा नेपाल आएका चिनियाँ विदेशमन्त्री

भदौ, काठमाडौं । नेपालको तीनदिने भ्रमणमा रहेका चिनियाँ विदेशमन्त्री वाङ यीले राष्ट्रपति र प्रधानमन्त्रीसँग शिष्टाचार भेट गर्नुअघि नेपाली समकक्षी प्रदीप ज्ञवाली नेतृत्वको उच्चस्तरीय टोलीसँग द्विपक्षीय एजेण्डाका विषयमा छलफल गर्दैछन् । दुवै देशका परराष्ट्रमन्त्री नेतृत्वको टोलीबीच अपराह्न होटल याक एण्ड यतीमा यसअघि भएका सम्झौता र थाति सबै...

सेनाले पाँच महिनामै ८ सय ६९ घर बनाएर हस्तान्तरण गरे

काठमाण्डौ – बारा र पर्सामा हावाहुरी र असिनापानीबाट पीडित परिवारले पाँच महिनामै सरकारले बनाएको घर पाएका छन् । नेपाली सेनाले बनाएको घर बुधबार हस्तान्तरण गरिएको हो । छोटो अवधिमै सरकारनिर्मित घर पाएपछि पीडित खुशी भएका छन् । उनीहरुले सरकार र नेपाली सेनालाई धन्यवाद दिएका छन्...