परको कुरा स्थानीय समाचार

नेपाल हृदयरोग निवारण प्रतिष्ठान नाला उपशाखा तदर्थ समितिको बिशेष कार्यक्रम सम्पन्न


श्रावण ७ गते / उग्रचण्डी भगवती मन्दिर  नाला लागंटोल परिसरमा रहेको देवानन्द सत्तलमा नेपाल हृदयरोग निवारण प्रतिष्ठान काभ्रे शाखा,नाला उपशाखा तदर्थ समितिको अनुशिक्षण,आजीवन सदस्यताको प्रमाण र धडकन स्मारिका बितरण समारोहका साथै प्रत्यक सहभागीको रक्तचाप नाप्ने,तौल लिने,उचाई नाप्ने र कम्मर नाप्ने कार्यक्रम स’सम्पन्न भएको छ / नेपाल हृदयरोग निवारण प्रतिष्ठान काभ्रे शाखा,नाला उपशाखा तदर्थ समितिका संयोजक श्री सिद्धिबहादुर कर्माचार्यको सभापतित्वमा संचालन भएको सो समारोहमा नेपाल हृदयरोग निवारण प्रतिष्ठान काभ्रे शाखाका सभापति श्री अशोककुमार श्रेष्ठको प्रमुख अतिथ्य्तामा हृदयरोग सम्बन्धि महत्वपूर्ण उपदेश,संगठनको आवश्यकता र महत्व,बिभिन्न कार्यक्रमहरु प्रक्षेपन गर्ने  बारे आफ्ना अभिब्यक्ति दिनु भएको समाचार प्राप्त भएको छ /

उक्त कार्यक्रममा सदस्य सुश्री निर्मला श्रेष्ठले स्वागत गर्नुभयो भने आजीवन सदस्य श्री राजेन्द्र कोङाले कार्यक्रम संचालन गर्नु भएको थियो / बिशिष्ट अतिथि बनेपा न.पा. वडा नं.४ का अध्यक्ष श्री श्यामसुन्दर श्रेष्ठले नेपाल हृदयरोग निवारण प्रतिष्ठान काभ्रे शाखा,नाला उपशाखा तदर्थ समितिको स्थापना भएको खुसी ब्यक्त गर्नु  हुँदै आवश्यक सहयोग गर्ने बिश्वास दिलाउनु भयो / यसै गरी बिशिष्ट अतिथि बनेपा न.पा. वडा नं.३ का अध्यक्ष श्री कृष्णप्रसाद दाहालले उत्तरोत्तर प्रगतिको कामना गर्नु  हुँदै निकट भबिश्यमा मिलेर काम गर्ने बिचार समेत ब्यक्त गर्नु भयो / अतिथि नेपाल हृदयरोग निवारण प्रतिष्ठान काभ्रे शाखाका सदस्य श्री बेन खड्काले खाना तथा मुटु रोग बारे सन्देशमुलक प्रस्तुति प्रस्तुत गर्नु भयो/  शहिद धर्मभक्त मानव अङ्ग प्रत्यारोपण केन्द्र अस्पतालका मुटु बिभाग प्रमुख डा.किसन कुमार कुशबाहाले मुटु रोगको उपचार बैज्ञानिक प्रमाणीकरणको आधारमा गर्नु पर्दछ / मुटु जोगाउनु भनेको शरीरको सम्पूर्ण अंग जोगाउनु हो भन्नु भयो / प्रशिक्षिका श्री कृपा कर्माचार्यले तीन वटा “चि” ( चिन्ता, चिल्लो खाना र चि अर्थात नुन) लाई ध्यान दिन र अनुशरण गर्न सक्यो भने मुटु रोगबाट जोगिन सकिने बताउनु भयो /

कार्यक्रममा ७२ जना आजीवन सदस्यहरुलाई प्रमुख अतिथि नेपाल हृदयरोग निवारण प्रतिष्ठान काभ्रे शाखाका सभापति श्री अशोक कुमार श्रेष्ठले प्रमाण पत्र बितरण गर्नुका साथै नाला उपशाखा तदर्थ समितिका संयोजक श्री सिद्धिबहादुर कर्माचार्यले खादा ओढाएर प्रत्येक आजीवन सदस्यलाई स्वागत गर्नुभयो / सचिव श्री टीकाभक्त भोछिभोयाले धडकन स्मारिका बितरण गर्नुका साथै मुटु रोगबाट बच्न सकिने ज्ञान बाढ्नु भयो / अन्तमा प्रमुख अतिथि श्री अशोककुमार श्रेष्ठले नाला उपशाखा तदर्थ समितिलाई पूर्ण उपशाखा अर्थात नेपाल हृदयरोग निवारण प्रतिष्ठान काभ्रे शाखा,नाला उपशाखाको रुपमा घोषणा गर्नु भयो / यथाशिघ्र विधिवत रुपमा उपशाखाको पद बिभाजन गरी शाखालाई जानकारी पठाउनु  हुन पनि निर्देशन दिनेबारे हाम्रा खोज सम्बाददाता पंचम सुन्दर श्रेष्ठले जानकारी गराउनुभयो /

बुध, साउन ८, २०७६ मा प्रकाशित

यसमा तपाइको मत

Loading...
Loading...

बाट अन्य

बानेश्वरकी अनिता थापा सप्ताहन्तमा प्रायः छोरी लिएर घुम्न जाने ठाउँ हो, रानीबारी सामुदायिक वन। काठमाडौं कंक्रिट जंगलमा परिणत भइरहेका बेला पाँचवर्षे छोरीलाई प्रकृतिसँग घुलमिल गराउन मध्यसहरको यो वन उपयोगी भएको उनी बताउँछिन्। ‘म नजिकै बस्ने भए सधैंजसो जान्थेँ होला,’ उनी भन्छिन्, ‘यहाँ धेरै प्रकारका पुतली, कीराकिरी, चराचुरुङ्गी...

ख्यातिप्राप्त कलाकारहरुको भब्य कार्यक्रम

वरिष्ठ कलाकार केसाङ लामा नेपालको ख्यातिप्राप्त कलाकार हुन । उनी निरन्तर रूपमा प्रोफेसनल कलाको बहस गरिरहेका छ्न । उनकै पहलमा प्रोफेसनल आर्टिस्ट सोसाइटी समेत बनेको छ । यहि सोसाइटीले आज महर्शी स्कुल सामाखुसीमा भब्य कार्यक्रम सम्पन्न गरेको छ । वरिष्ठ उपयोगी कलाकार जगत बहादुर तुम्बाहाम्फेलाई...

  पानी सबैको निम्ति अत्यावश्यक छ, जुन नैसर्गिक अधिकारको वस्तुमा पनि पर्दछ । तर अहिले भने यसको वितरणमा राज्यले उदासिनता देखाउँदै आएको छ । जसले गर्दा काठमाडौं लगायतका देशका प्रमुख शहरहरुमा पानीको चरम अभाव छ । यसरी पानीको अभावलाई परिपुर्ति गर्न हामीले काठमाडौं उपत्यका लगायत देशका...

ऐतिहासिक बस्ती नालामा पुरानोघर हराउँदैनयाँ बन्दै

नालामा भुकम्प पछि पून निर्माणमा बनेका घरहरु मौलिकता झल्किने एउटा पनि छैन। बि.स.२०७२ वैशाख १२ गतेको विनाशकारी भूकम्पले त्यहाँका सबैजसो पुरानो घरहरु  ध्वस्त भएको थियो। लिच्छिवीकालीन बस्ती अहिले आधुनिक  क्रंक्रिटको जंगल जस्तो भएको छ। ढलान, पिलर उठाएका घरहरु भक्का भक निर्माण हुदैछ / नाला  पुरानो नेवारी बस्ती...

वर्षाका कारण काभ्रेको फेदी दोभानमा एक बालकको मृत्यु ४५ घर जोखिाममा, विद्यालय भवन पुरियो

काभ्रेपलाञ्चोक १ असोज  :  अविरल वर्षाका कारण काभ्रेको पाँचखाल नगरपालिका वडा नं ४ फेदी दोभानमा एक बालकको मृत्यु भएको छ । फेदीमा पसल गरी बस्ने मण्डन देउपुर नगरपालिका वडा नं ११ जैसिथोकका तेजबहादुर तामाङका चार वर्षीय छोरा दिपेश तामाङको मृत्यु भएको हो । बुधबार विहान बिहान...

अविरल वर्षाका कारण अरनिको राजमार्ग पहिराले यातायात ठप्प

बनेपा । अविरल वर्षाका कारण अरनिको राजमार्गअन्तर्गत पाँचखाल नगरपालिकाको ५४ किलो र भुम्लु गाउँपालिकाको दोलालघाट बजार आसपासमा पहिराले यातायात ठप्प भएको छ । जिल्ला प्रहरी कार्यालय काभ्रेपलाञ्चोकका प्रमुख प्रहरी उपरीक्षक जयराज सापकाटोका अनुसार भुम्लु गाउँपालिका–१० दोलालघाट बजार नजिकै गएराति पहिराका कारण सडक भत्किएपछि यातायात बन्द भएको हो...