प्रमुख समाचार

ढुक्क हुनुहोस् मंसिरदेखि रेल गुड्छ

- शैलेन्द्र महतो


धनुषा – जनकपुर–जयनगर रेल चल्ने कुरा हुन थालेको धेरै भयो । तर रेल चल्छ कि चल्दैन, चल्यो भने कहिलेदेखि चल्छ भन्ने यकिन हुन नसक्दा आशाभन्दा बढी निराशा छाउन थालेको छ ।

‘रेल चल्ने कुरा हात्ती आयो हात्ती आयो फुस्सा भन्ने उखान जस्तै भयो । झण्डै डेढ वर्षदेखि यही कुरा सुनेर कान पाकिसक्यो । तर अझै रेल चलेन’ अटो रिक्सा चालक जनकपुरधाम उपमहानगरपालिका १६ कपिलेश्वरका जुगेश्वर साहले खिन्न मान्दै भन्नुभयो ।

जनकपुरधाम रेल्वे स्टेशनकै छेउमा खाजा पसल सञ्चालन गरेका बुधेश्वर मण्डल पनि डेढ वर्षदेखि कहिले रेल चल्ने र कहिले रेल नचल्ने कुरा सुनेर दिक्क हुनु भएको छ । ‘२०७५ असोजमै रेल चल्ने कुरा सुनेको थिएँ । पछि फेरि मंसिरमा रामजानकी विवाह पञ्चमीदेखि चल्ने कुरा आयो । तर अहिलेसम्म रेल आएन । अब चल्न थाल्यो भने मात्र विश्वास हुन्छ’ उहाँ भन्नुहुन्छ ‘सबै संरचना तयार छ, चाँडै चलेको भए राम्रै हुन्थ्यो, हाम्रो व्यापार फस्टाउँथ्यो ।’

उहाँको छेउमै कपडा सिलाउँदै गरेका मोहम्मद साविरको कुरा पनि यस्तै छ । ‘पहिला रेल चल्छ भन्ने कुरा सुनेपछि उत्साहित हुन्थे, तर अब सुनेपछि वास्तै गर्दिनँ । यहाँ त रेलसँग खेल हुँदैछ, आउँछ आउँछ भन्छ । तर आउँदैन’ उहाँले भन्नुभयो ।

जुगेश्वर, बुधेश्वर र साविर जस्तै यहाँका धेरै बासिन्दा रेलको झमेलाले निराश छन् । चल्ने तयारीमा रहेको नेपालको एक मात्र जनकपुर –जयनगर ब्रोडगेज रेल २०७५ असोज महिनादेखि नै सञ्चालन हुने कुरा थियो । त्यसपछि २०७५ को मंसिरदेखि चल्ने कुरा भयो । तर २०७६ को असोज आउन लाग्दासमेत रेल चल्ने छाँटकाँट देखिँदैन ।

भौतिक पूर्वाधार यातायात मन्त्री रघुवीर समहासेठ र रेल्वे विभागका कर्मचारीबाट नै रेल सञ्चालन हुने अधिकारिक कुरा पटक–पटक फेल भैसकेको छ ।

पहिलो चरणमा संचालन हुने भारत विहारको जयनगरदेखि जनकपुरधामको कुर्थासम्म ३५ किलो मिटर हुने रेल्वे सञ्चालनको निम्ति भौतिक संरचना, रेल्वे लिकलगायत आवश्यक पूर्वाधार एक वर्षदेखि पूर्ण रुपमा तयार भइसकेको छ । तर रेल सञ्चालन गर्न चाहिने रेल इञ्जिन, आवश्यक जनशक्ति अहिलेसम्म नेपाल सरकारले तयार पार्न सकेको छैन । यसकारण रेल्वे सञ्चालनमा नआएको रेल्वे विभागका कर्मचारीहरु बताउँछन् ।

सुरुमा भारतसँगे इञ्जिन भाडामा लिएर रेल चलाउने चर्चा थियो । तर पछि नेपालले भारतसँग खरिद गरी आफ्नै इञ्जिन ल्याएर रेल सेवा सञ्चालन गर्ने प्रक्रिया अघि बढायो । जस अनुसार नेपालले रेल सेट किन्न रेल विभाग र भारतको सरकारी कम्पन्नी कोकण रेलवेज कर्पोरेसन लिमिटेडबीच सम्झौता भैसकेको छ । अहिले दुई सेट रेल भारतको मद्रास स्थित कोकण रेलवेज कर्पोरेसन कम्पनीमा बनिरहेको छ ।

ढुक्क हुुनुहोस्, मंसिरदेखि रेल गुड्छ : महानिर्देशक मिश्र

रेल विभागका महानिर्देशक बलराम मिश्रले भारतीय रेल कम्पनी रेलवेज कर्पोरेसन लिमिटेडबीच भएको दुई सेट रेल किन्ने सम्झौता अनुसार निर्माण प्रक्रिया अन्तिम चरणमा पुगेको बताउनुभयो । ‘दुई सेट रेलको इञ्जिन बनिरहेको छ । अब रंगरोगनको काम मात्र बाँकी छ । केही दिनमै रेल पूर्ण रुपले तयार हुन्छ’ महानिर्देशक मिश्रले भन्नुभयो ।

विभागका अनुसार रेल सेवा सञ्चालन गर्न सुरुमा कम्तिमा दुई सय कर्मचारी चाहिन्छ । कर्मचारी भर्ना प्रक्रिया अघि बढिसकेको र रेलको इञ्जिन तयारी समेत अन्तिम चरणमा रहेकाले अबको केही महिनाभित्रै रेल सेवा सञ्चालन हुने महानिर्देशक मिश्रको भनाइ छ । उहाँले भन्नुभयो ‘अब ढिलो हुँदैन, ढुक्क हुनुस् । आउँदो नोभेम्बर २०१९ को अन्तिम अर्थात मंसिरको मध्यसम्म रेल चल्छ ।’

रेल्वेको नामाकरण ‘जानकी’ गरिएको विषयमा व्यापक चर्चा छ । तर यस विषयमा रेल्वे विभाग आफैँ अनभिज्ञ छ । विभागका महानिर्देशक मिश्रले नामबारे अहिलेसम्म कुनै औपचारिक निर्णय नभएको बताउँदै उहाँले हल्लाको पछाडि नलाग्न समेत आग्रह गर्नुभयो ।

वर्षाले बगाएको लिक धमाधम मर्मत हुँदै

रेल सञ्चालनको लागि पूर्ण तयारीमा रहेको रेल्वे लिक बाढीले भत्काएपछि मर्मत सम्भारको काम धमाधम भइरहेको छ । असारको पहिलो हप्ता अविरल वर्षासँगै आएको बाढीले जानकनन्दनी गाउँपालिका १ इनरवास्थित सीमावर्ती क्षेत्रमा झण्डै १ सय मिटर रेल्वे लिक बगाएर क्षति भएको थियो । अहिले मर्मत सम्भारको काम धमाधम भइरहेको र अवको केही दिनभित्रै काम सकिने विभागका महानिर्देशक मिश्रको भनाइ छ ।

जयनगरदेखि बर्दिवाससम्म ६९ किलोमिटर लम्बाइको रेल्वे मार्ग ३ खण्डमा बनिरहेको छ । परियोजनाको प्रथम चरणमा जयनगर–कुर्था ३५ किलोमिटर, दोस्रो चरण अन्तर्गत धनुषाको कुर्थादेखि महोत्तरीको भंगहासम्म १७ किलोमिटर र  तेस्रो चरणमा महोत्तरीको भंगहादेखि बर्दिवाससम्म १७ किलोमिटर खण्डमा रेल्वे सेवा सञ्चालन हुनेछ ।

जस अन्तर्गत पहिलो चरणमा भारतको जयनगरदेखि जनकपुरको कुर्थासम्म ३५ किलोमिटर रेल्वे सेवा सञ्चालनको लागि आवश्यक पूर्वाधार तयार छ । दोस्रो चरणमा सञ्चालन हुने जनकपुरको कुर्थादेखि महोत्तरीको भंगहासम्म १७ किलोमिटरमा लिक निर्माणको काम चलिरहेको छ ।

भारतको जयनगर–जनकपुर तथा जनकपुरदेखि महोत्तरीको बिजुलपुरा हुँदै बर्दिवाससम्म ६९ किलोमिटर पर्छ । जसमध्ये जयनगरदेखि नेपाली सीमा इनरुवासम्म ३ किलोमिटर भारतीय भूमि रहेको छ ।

भारत सरकारको सहयोगमा निर्माण भइरहेको भौतिक पूर्वाधार तथा रेल्वे लिक निर्माणको ठेक्का भारतीय इर्कन इन्टरनेसनल कम्पनीले लिएको छ ।

मङ्ल, भदौ ३१, २०७६ मा प्रकाशित

यसमा तपाइको मत

Loading...
Loading...

बाट अन्य

चिनियाँ अभिनेत्री सी छिङ नेपाल भ्रमण वर्ष सन् २०२० को सद्भावना दूत नियुक्त

चिनियाँ अभिनेत्री सी छिङ नेपाल भ्रमण वर्ष सन् २०२० को सद्भावना दूत नियुक्त भएकी छन्। शनिबार काठमाडौंमा आयोजित कार्यक्रममा संस्कृति, पर्यटन तथा नागरिक उड्डयनमन्त्री योगेश भट्टराईले छिङलाई सद्भावनादूत नियुक्त गरेका हुन्। नेपाली चेली भृकुटीले चिनियाँ नागरिक सम्राट श्रङचङसँग विवाह गरेको प्रसंग निकाल्दै मन्त्री भट्टराईले छिङलाई भाञ्जीको संज्ञा...

५ वडा कार्यालयमा आगजनीमा संलग्न रहेकाे आशंकामा ५ जनालाई प्रहरीले पक्राउ

२७ असाेज, हेटाैंडा । उत्तरी मकवानपुरकाे थाहा नगरपालिका-५ वडा कार्यालयमा भएकाे आगजनीमा संलग्न रहेकाे आशंकामा ५ जनालाई प्रहरीले पक्राउ गरेकाेे छ । सोमबार राति नगरपालिकाकाे आरनडाँडामा रहेकाेे कार्यालयमा आगजनीमा संलग्न रहेकाे भन्दै ५ जनालाई इलाका प्रहरी कार्यालय पालुङले पक्राउ गरेको हाे । पक्राउ पर्नेकाे नाम सार्वजानिक गरेकाे...

नेपालको दुईदिने भ्रमण पूरा गरी चिनियाँ राष्ट्रपति सी चिनफिङ स्वदेश फर्किए

२६ असोज, काठमाडौं । नेपालको दुईदिने भ्रमण पूरा गरी चिनियाँ राष्ट्रपति सी चिनफिङ स्वदेश फर्किएका छन् । शनिबार अपराह्न ४ः४५ बजे काठमाडौं ओर्लिएका सी आइतबार दिउँसो सवा २ बजेपछि स्वदेश फर्किएका हुन् । राष्ट्रपति सीलाई त्रिभुवन अन्तर्राष्ट्रिय विमानस्थलको अति विशिष्ट कक्षमा राष्ट्रपति विद्यादेवी भण्डारीले विदाई...

चिनियाँ राष्ट्रपति सी जिनपिङ नेपालको दुईदिने राजकीय भ्रमणका लागि आज नेपाल आउदै

२५ असोज, काठमाडौं । चिनियाँ राष्ट्रपति सी जिनपिङ नेपालको दुईदिने राजकीय भ्रमणका लागि आज नेपाल आउने भएका छन् । राष्ट्रपति विद्यादेवी भण्डारीको मैत्रीपूर्ण निमन्त्रणामा सी शनिबार नेपाल भ्रमणमा आउन लागेका हुन् । भारत भ्रमणमा रहेका सी त्यतैबाट शनिबार अपराह्न ०४ः३०–०५ः३० बजेसम्ममा विशेष विमानमार्फत त्रिभुवन अन्तर्राष्ट्रिय विमानस्थलमा...

शरीर विज्ञान र  चिकित्सा विज्ञानका लागि नोबेल पुरस्कार दुई अमेरिकी र एक बेलायती वैज्ञानिकलाई

२० असोज, स्टकहोम (एपी) । शरीर विज्ञान र  चिकित्सा विज्ञानका लागि यस वर्षको नोबेल पुरस्कार दुई अमेरिकी र एक बेलायती वैज्ञानिकलाई संयुक्तरुपमा प्रदान गरिएको छ । शरीरका कोषहरुले कसरी अक्सिजनको तह अनुभूत गर्छन् र प्रतिक्रिया जनाउँछन् भन्ने विषयमा गरेको खोजका लागि उनीहरुलाई पुरस्कृत गरिएको हो...

महरालाई आरोप लगाउने रोशनी शाही र उनका पति चित्रजंग शाहीबीच सम्बन्धबिच्छेद

निवर्तमान सभामुख कृष्ण बहादुर महरालाई आफूमाथि बलात्कारको आरोप लगाउने रोशनी शाही र उनका पति चित्रजंग शाहीबीच सम्बन्धबिच्छेद गर्ने लिखित सहमति भएको छ। चित्रजंगले सम्बन्ध बिच्छेद गर्ने लिखित सहमति पत्र आफ्नो फेसबुकमा सेयर गरेका छन्। योसँगै उनीहरूको सम्बन्धबिच्छेद गर्ने कानुनी प्रक्रिया पनि अघि बढेको छ। ‘प्रिय जनहरू, थुप्रै...