साहित्य गतिबिधि

मैत्रीपूर्ण साक थोन–२०७६ सम्पन्न


काठमाडौँ, असोज ११ गते ।
संसाक मासिक, साहित्यकार खेलकुद समाज नेपाल र काठमाडौँ ग्लोबल स्कुलको संयुक्त आयोजनामा डा.शैलेन्दुप्रकाश नेपालको सभापतित्व र नेपाल प्रज्ञा–प्रतिष्ठानका सदस्यसचिव प्राध्यापक जगत्प्रसाद उपाध्याय प्रेक्षितको प्रमुख आतिथ्यको साथै प्रदेश नं. ३, काठमाडौँ क्षेत्र नं. ६ का सभासद् दीपक निरौलाको विशिष्ट आतिथ्यमा साहित्यकार, कविहरूको दौड मैत्रीपूर्ण साक थोन–२०७६ सम्पन्न भएको छ । प्रमुख अतिथि सदस्यसचिव प्रेक्षित र विशिष्ट अतिथि माननीय निरौलाले संयुक्त रूपमा रिबन काटेर दौडको शुभारम्भ गर्नुभएको थियो ।

दौडपछि आयोजित शुभकामना सभालाई सम्बोधन गर्दै प्रमुख अतिथि प्रेक्षितले मानसिक तथा बौद्धिक अवस्थालाई बलियो बनाइराख्न शारीरिक अवस्था ठीक हुनुपर्ने बताउनुहुँदै साक थोनजस्ता दौडका कार्यक्रमहरूले स्रष्टा, सर्जकलाई शारीरिक रूपमा स्वस्थ र तन्दुरुस्त रहन ठूलो मद्दत पु¥याउँछ, भन्नुभयो ।

विशेष अतिथि प्राज्ञ प्राध्यापक दिनेशराज पन्तले शारदीय यो समयमा मौसम अनुसारको अति सुन्दर र सुहाउँदो कार्यक्रम भएको बताउनुभयो ।
आयोजक स्कुलका प्रिन्सिपल मनोज आचार्यले शिक्षा र साहित्य एकअर्काकापूरक भएकाले शिक्षाको लागि साहित्य आवश्यक पर्ने देखिएर नै विद्यालयले साहित्यकार र तिनका कार्यक्रमहरूको लागि विद्यालयको ढोका सधैँ खुल्ला राखेको बताउनुभयो ।

कार्यक्रमका सभापति डा.शैलेन्दुप्रकाश नेपालले देशको विकास र गतिलाई राजनीतिले हाँकेजस्तै ज्ञान र बौद्धिकताको गति र विस्तारलाई साहित्य र कलाले डो¥याइरहेको हुन्छ, भन्नुहुँदै मान्छेलाई असल रूपमा मान्छे बनाउने साधन भनेको साहित्य हो, जो सँग साहित्य सिर्जनाको मर्म लुकेको छ, ऊ नै समाजको असल र योग्य मान्छ बन्नसक्छ, भन्नुभयो ।

उमेश पाण्डेको संयोजन र सञ्चालनमा सम्पन्न भएको कार्यक्रममा भवानी मैया पन्तले शुभकामना मन्तव्य र डा.सत्यराज थपलियाले ‘दुर्गा प्रार्थना’ को कविता वाचन गर्नुभएको थियो ।

काठमाडौँ ग्लोबल स्कुल, सामाकोसीचोक, चक्रपथबाट सुरु भएको दौड तिलिङ्गटार प्रहरी चौकी, वसुन्धराचोक, हेराल्ड इन्टरनेसनल कलेज, भूतपूर्व प्रहरी सङ्घ, सहन्शा, पुनः तिलिङ्गटार प्रहरी चौकी हुँदै काठमाडौँ ग्लोबल स्कुलमा आएर समाप्त भएको थियो । ‘विजयादशमी, शुभ दीपावली, नेपाल संवत् र छठ पर्वको आवन अवसरमा ‘प्रेम, शान्ति र शक्ति’ को लागि आयोजित शुभकामना दौड’ नाम दिएको मैत्रीपूर्ण साक थोन दौडमा ७५ जना साहित्यकार तथा साहित्यानुरागी महानुभावहरूको सहभागिता रहेको थियो ।

दौडमा कृष्ण के.सी. प्रथम, विनय पाण्डे द्वितीय, नन्दलाल अधिकारी तृतीय, कृष्णदेव रिमाल चौथा र अवनिश थपलिया पाँचौँ हुनुभएको थियो । महिलातर्फ भने भवानी मैया पन्त प्रथम हुनुभएको थियो । उत्कृष्ट हुनुभएका सहभागीलाई आगामी सालको दौडमा पुरस्कार प्रदान गरिनेछ ।

साक थोन दौडका अन्य सहभागीहरूमा तेजप्रकाश बानियाँ, होमप्रसाद थपलिया, डा.मदनराज थापा, सरोजकुमार पाण्डे, रत्नप्रसाद श्रेष्ठ अनामणि, रामकृष्ण सेढाई, शिवप्रसाद आचार्य, माधवलाल श्रेष्ठ, जसध्वज गुरुङ, केदारनाथ पाठक, तोयनाथ पौडेल, हरिप्रसाद पाण्डेय, डा.बासुदेव काफ्ले, प्रियंवदा काफ्ले, सीता बिष्ट कार्की, केदार थपलिया, प्रह्लाद लामिछाने, दुर्गाप्रसाद न्यौपाने, दुर्गाप्रसाद अधिकारी भमरकोटे, नमराज भेटुवाल, रामदेव पाण्डे, ज्ञानमान नकर्मी, सरस्वती गौतम, राजन प्रसाद न्यौपाने, कृष्णदेव रिमाल, मैया पन्त, सुशिला ढकाल अधिकारी, डिल्लीप्रसाद मूलतिउन, तारा के.सी., कृष्ण बहादुर के.सी., बुद्धिबहादुर विष्ट, रामप्रसाद पाण्डे, दामोदर ढकाल दीपक, उदित पौडेल, सोनाम लामा, इशा कोइराला, विनय पाण्डे, पारस पाण्डे, इन्दिरा गौतम, उत्तम विचार भेटुवाल, रचि भण्डारी, विष्णुप्रसाद थपलिया, गायत्री खनाल, शिला अधिकारी, नारायण पाण्डे, सुशिल थापा, हरिप्रसाद पाठक, यज्ञप्रसाद पोख्रेल, पुरुषोत्तम आचार्य, अन्जु श्रेष्ठ, जित खड्का, दिनेश थपलिया, एन्जिला परियार, राम महर्जन, सरोज थापा, वलराम सापकोटा, जानुका थापा, बेनीबहादुर थापा, अमर घर्ती मगर, देवीप्रसाद वराल, अस्मिता थापा मगर, सपना श्रेष्ठ, अवनिश थपलियालगायत रहनुभएको थियो ।

सहयोगको लागि हार्दिक आभार प्रकट गर्दछौँ–
१. वृज सिमेन्ट,
२. काठमाडौँ ग्लोबल स्कुल, सामकोसीचोक, गोङ्गबुँ र
३. कान्तिपुरी बहुउद्देश्यीय सहकारी संस्था लि., गोङ्गबुँ ।

बुध, अशोज १५, २०७६ मा प्रकाशित

यसमा तपाइको मत

Loading...
Loading...

बाट अन्य

राष्ट्रकवि माधवप्रसाद घिमिरे १०१ वर्षमा प्रवेश

७ असोज, काठमाडौं । राष्ट्रकवि माधवप्रसाद घिमिरे १०१ वर्षमा प्रवेश गरेका छन् । विक्रम संम्वत् १९७६ असोज ७ गते लमजुङको पुस्तन गाउँमा जन्मिएका घिमिरे आजबाट १०१ वर्षमा प्रवेश गरेका हुन् । घिमिरे स्वच्छन्दतावादी भावधारा र परिष्कारवादी शैली अपनाएर साहित्य सिर्जना गर्ने साहित्यकारका रूपमा चिनिन्छन् । उनले कविता,...

गोंगबु साहित्य समाजका सचिब तारा केसीलाई इडन ब्रिज एकेडमी बाल साहित्य सम्मान

इडन ब्रिज एकेडेमीले काभ्रेपलाञ्चोक पनौतीकी कवि तथा कथाकार तारा केसीलाई इडन ब्रिज एकेडमी बाल साहित्य सम्मान प्रदान गरेको छ । नेपाली साहित्यमा ओझेलमा परेको बाल साहित्यको उत्थान र विकासमा पुयाएको योगदानको कदर गर्दै एकेडेमीले कवि तथा कथाकार केसीलाई दोसल्ला ओढाएर सम्मानपत्रका साथमा नगद तीन हजार...

अक्षरमार्ग साहित्यिक त्रैमासिकको सातौं वार्षिक उत्सवको अवसरमा छ श्रष्टा सम्मानित

पनौतीमा वरिष्ठ साहित्यकार तथा नेपाल प्रज्ञा प्रतिष्ठानका पूर्व कुलपति श्री बैरागी काइँलाले नेपाली भाषा र साहित्यको श्रीबृद्धिमा उल्ल्ेखनीय योगदान पु¥याएका छ जना वाङ्मयसेवीहरूलाई एक कार्यक्रम वीच सम्मान गरेका छन् । अक्षरमार्ग साहित्यिक त्रैमासिकको सातौं वार्षिक उत्सवको अवसरमा आयोजित सो कार्यक्रममा प्रमुख अतिथि श्री नेपालीले उहाँहरुलाई सम्मान...

‘मदन पुरस्कार–२०७५’ का लागि ७ कृति छनोटमा

२५ असार, काठमाडौं । ‘मदन पुरस्कार–२०७५’ का लागि ७ कृति छनोटमा परेका छन् । मदन पुरस्कार गुठीको ‘श्रेष्ठ सूची’ तयार गर्न गठित समितिले विभिन्न सात कृति पुरस्कारका लागि छनोट गरेको हो । मदन पुरस्कार गुठीका अध्यक्ष कुन्द दीक्षितले प्राप्त २५७ कृतिमध्ये ७ वटालाई छनौट समितिको सिफारिसमा...

“सपनामा भगवानसँगको कुरा” कथा संग्रह लोकार्पण 

  काठमाडौँ, असार ६ गते । पूर्व मेजर टंकबहादुर बजगाई खत्रीको कथासङ्ग्रह ‘सपनामा भगवानसँगको कुरा’ एक कार्यक्रमको बीच लोकार्पण गरिएको छ । गुरू नारायणाचार्य कौशिक रिमालको सभापतित्वमा सञ्चालन भएको लोकार्पण कार्यक्रममा प्रमुख अतिथि पूर्व सहायक रथी तेजप्रकाश बानियाँ लगायत विशिष्ट अतिथि तथा अतिथिहरूले खत्रीको कथासङ्ग्रहको सामूहिक रूपमा...

साहित्यिक मैत्रीपूर्ण भलिबल खेल नुवाकोटमा सम्पन्न

काठमाडौँ, जेठ १७ गते शुक्रबार । संसाक मासिक र साहित्यकार खेलकुद समाज नेपालको आयोजनामा श्रीजनज्ञान निकेतन मा.वि., थानापति, नुवाकोटमा साहित्यकार र शिवपुरी गाउँपालिका भित्रका शिक्षकहरूको बीचमा मैत्रीपूर्ण भलिबल खेल सम्पन्न भयो । खेल उद्घाटन गर्दै गाउँपालिकाका अध्यक्ष, रामकृष्ण थापाले साहित्यकार तथा विद्वान मित्रहरूसँगको सामिप्यमा यसरी खेल खेल्न...