साहित्य गतिबिधि

प्रज्ञा–प्रतिष्ठानमा दोस्रो चीन र दक्षिण एसिया साहित्य सम्मेलन


काठमाडौँ, असोज
प्रधानमन्त्री केपी शर्मा ओलीले अब हामी एकताको बाटोमा मात्र हैन एकता र सहकार्यको साथ अगाडि बढ्न चाहिरहेको कुरा हालै मात्र महामहिम चिनिया राष्ट्रपति सि जिनपिङको भारत र नेपालको भ्रमणले प्रष्ट पारेको कुरा बताउनुभयो । हामी साहित्य र सँस्कृतिको क्षेत्रमा पनि त्यही सहकार्यको अवस्थालाई निरन्तरता दिन लागी परेका छौँ, प्रधानमन्त्री ओलीले भन्नुभयो ।
पश्चिमा संस्कृतिको अनुकरण गरेर हाम्रा सञ्चारमाध्यम र तिनका सञ्चारकर्मीहरूले आफ्नो शिष्टता र मर्यादा विर्सेको भन्दै प्रधानमन्त्रीले ‘आफ्नो सभ्यता र संस्कृतिलाई मिलेर अगाडि बढाउनुको साँटो आज हामी अर्काको देखासिकीमा आफ्नो सभ्यता र संस्कृतिलाई भत्काउँदै गएका छौँ, भन्नुभयो ।’
‘अन्तर हिमाली सांस्कृतिक एवम् साहित्यिक सम्बन्ध प्रवद्र्धनका लागि’ नेपाल प्रज्ञा–प्रतिष्ठानले आयोजना गरेको दोश्रो चीन र दक्षिण एसिया साहित्य सम्मेलनको उद््घाटन समारोहलाई सम्बोधन गर्दै प्रधानमन्त्री ओलीले ज्ञान, सङ्गीत र छन्दको सिर्जना हजारौँ वर्ष अगाडि नै यही धर्तीमा भएको थियो, भन्नुहुँदै शान्ति, न्यायजस्ता शाश्वत कुराहरूलाई अगाडि बढाउन साहित्यकार र तिनका सिर्जनाहरूले हामीलाई प्रेरणा दिँदै आइरहेका छन्, भन्नुभयो ।
कार्यक्रमलाई सम्बोधन गर्दै संस्कृति, पर्यटन तथा नागरिक उडड्यनमन्त्री योगेशकुमार भट्टराईले अर्थ र राजनीतिले साहित्य र संस्कृतिलाई प्रभाव पार्ने बताउँदै ‘नेपाल भ्रमण वर्ष–२०२०’ को पूर्व सन्ध्यामा भएको यस कार्यक्रमले भ्रमण वर्ष–२०२० लाई प्रवद्र्धन गर्न महत्वपूर्ण सहयोग पु¥याउने छ भन्ने, विश्वास व्यक्त गरे ।
कार्यक्रमको आवश्यकता र महत्वमाथि प्रकाश पार्दै नेपाल प्रज्ञा–प्रतिष्ठानका कुलपति गङ्गाप्रसाद उप्रेतीले चीन र दक्षिण एसिया साहित्य मञ्चको स्थापना सन् २०१५ मा भएको हो, भन्नुहुँदै यस्को उद्देश्य एसियाली राष्ट्रहरूको बीचमा अन्तर सांस्कृतिक पुलको निर्माण गर्नु हो, भन्नुभयो । ‘यसको लागि यस क्षेत्रका राष्ट्रहरूको अमूल्य साहित्यिक तथा सांस्कृतिक धरोहरहरूको अनुवाद, प्रकाशनको साथै विभिन्न गोष्ठी, सम्मेलन र अनुसन्धानहरू भइरहेका छन्’, कुलपति उप्रेतीले भन्नुभयो, ‘सन् २०१७ मा चीनमा भएको ‘पहिलो चीन र दक्षिण एसिया साहित्य सम्मेलन’ बाट कला र साहित्यको क्षेत्रमा भएको यो क्षेत्रीय ऐकबद्धता विशुद्ध गैरराजनीतिक पहलकदमी भएको सन्देश विश्वमाझ पुगेको छ ।’ अभैm उहाँले यसको उद्देश्य यस क्षेत्रका जनताहरूबीचको सम्बन्धलाई कला र साहित्यको माध्यमबाट अझ प्रगाढ बनाउनु हो, भन्नुभयो ।
प्रज्ञा–प्रतिष्ठानका सदस्यसचिव प्रा. जगत् उपाध्याय धन्यवादसहित समापन गर्नुभएको समुद्घाटनसत्रमा नेपालका लागि बंगलादेश, पाकिस्तान र श्रीलङ्काका महामहिम राजदूतहरूले पनि सम्मेलन सफलताको शुभकामना व्यक्त गर्नुभएको थियो ।
कार्तिक ३ गतेसम्म चल्ने सम्मेलनमा भारत, बंगलादेश, चीन, पाकिस्तान, नेपाल, श्रीलंकालगायत ६ देशका विद्वानहरूले १६ वटा फरक फरक विषयमा कार्यपत्रहरू प्रस्तुत गर्नुहुने छ । पहिलो पटक यो सम्मेलन सन् १९१७ मा चीनको छेन्दु शहरमा आयोजना गरिएको थियो ।

मङ्ल, कार्तिक ५, २०७६ मा प्रकाशित

यसमा तपाइको मत

Loading...
Loading...

बाट अन्य

अक्षरमार्गले वषको दुईपल्ट वाङ्मयसेवीहरूलाई सम्मान गर्दै

अक्षरमार्गले हालै काभ्रेमा आयोजित एक समारोह वीच वरिष्ठ साहित्यकार केदारनाथ खनाललाई श्रीराम स्मृति अक्षरमार्ग वरिष्ठ साधक सम्मानबाट र विष्णुहेम अक्षरमार्ग साहित्यिक पत्रकारिता सम्मानबाट वरिष्ठ साहित्यिक पत्रकार जयदेव भट्टराईलाई सम्मान गरेको छ । अक्षरमार्ग साहित्यिक त्रैमासिकद्धारा आयोजित सो कार्यक्रममा प्रमुख अतिथि डा गोविन्दराज भट्टराईले उहाँहरुलाई नगद...

चामलिङलाई प्रज्ञा–प्रतिष्ठानमा स्वागत

माघ २ गते, काठमाडौँ । नेपाल प्रज्ञा–प्रतिष्ठानद्वारा भारतको सिक्किमका वरिष्ठ साहित्यकार एवम् पूर्र्व मुख्यमन्त्री पवन चामलिङ ‘किरण’ नेपाल भ्रमणमा आउनुभएको अवसरमा उहाँको स्वागतमा ‘भेटघाट कार्यक्रम’ आयोजना गरियो । प्रज्ञा भवन, कमलादीमा आयोजित कार्यक्रममा साहित्यकार तथा पूर्व मुख्यमन्त्री चामलिङलाई कुलपति गङ्गाप्रसाद उप्रेती, उपकुलपति डा. जगमान गुरुङ, वाङमय...

काभ्रे पनौतीमा शिशिर काब्य गोष्ठी सम्पन्न

अक्षरमार्गले हालै शिशिर काब्य गोष्ठीको आयोजना गरेको छ । सो काब्य गोष्ठी कवि सुदेस सत्यालको फर्केर आऊ घर कविता बाचनबाट प्रारम्भ भएको थियो भने कवि सूर्य लाकोजूको मुक्तक प्रस्तुतिपछि समापन भएको थियो । सो काब्य गोष्ठीमा सारदा शर्मा, मच्छेश्वर सापकोटा, कलानीधि दाहाल, सरु सुवेदी, विनोद...

शिक्षा, स्वास्थ्य तथा साहित्य प्रतिष्ठान नेपाल पाल्पाले विभिन्न क्षेत्रका १२ जना व्यक्तिहरुलाई सम्मान गरे

पाल्पा, मंसिर २८/शिक्षा, स्वास्थ्य तथा साहित्य प्रतिष्ठान नेपाल पाल्पाले विभिन्न क्षेत्रका व्यक्तिहरुलाई सम्मान गरेको छ । प्रतिष्ठानले १४ औं वार्षिक उत्सव तथा ९१ औं कूलमणी देवकोटा जन्मजयन्तीको अवसरमा विभिन्न क्षेत्रका १२ जना व्यक्तित्वहरुलाइ शनिबार तानसेनमा सम्मान गरेको हो । प्रतिष्ठानले साहित्य क्षेत्रतर्फ महेश्वरप्रसाद श्रेष्ठलाई जगत...

नेपाली भूभाग भारतले अतिक्रमण गरेको विरोधमा ‘सडक कविता आन्दोलन’ सुरु

काठमाडौं । कालापानी, लिपुलेक, लिम्पियाधुरालगायतका नेपाली भूभाग भारतले अतिक्रमण गरेको विरोधमा ‘सडक कविता आन्दोलन’ सुरु भएको छ । यही आन्दोलनको क्रममा मंगलबार काठमाडौंको गोङ्गबु चोकमा कवि र सर्जकहरुले कविता वाचन गरेका छन् । कार्यक्रममा युवा साहित्यकार रसुवाली कवि, अखिल नेपाल लेखक संघका केन्द्रीय सदस्य बीपी विद्रोही,...

पनौती विशेष कवि गोष्ठी

नेपाल भ्रमण वर्ष २०२० को सन्दर्भमा पनौती नगरपालिकाको आयोजना र साहित्यकार खेलकुद समाजको सहकार्यमा आयोजित “पनौती विशेष कवि गोष्ठी” सम्पन्न भएको छ। पनौती नगरपालिकाका प्रमुख भीम न्यौपानेको सभापतित्वमा सम्पन्न कार्यक्रममा वरिष्ठ कबि तथा सस्कृतिबिद तुलसी दिबशको प्रमुख आतिथ्यता रहेको थियो।कार्यक्रम पनौती नगर पालिकाको रमणीय स्थान...