शिक्षा

अनिवार्य रुपमा विद्यालयस्तरमा आयुर्वेद स्वास्थ्य तथा योग शिक्षा कार्यक्रम संचालन गर्न मार्गदर्शन


काठमाडौं–स्वास्थ्य तथा जनसंख्या मन्त्रालयले प्रत्येक स्थानीय तहलाई अनिवार्य रुपमा विद्यालयस्तरमा आयुर्वेद स्वास्थ्य तथा योग शिक्षा कार्यक्रम संचालन गर्न मार्गदर्शन दिएको छ । स्वास्थ्यले सचिवस्तरीय निर्णय गरी तयार पारेको आर्थिक वर्ष ०७६/०७७ मा सशर्त अनुदानतर्फ स्थानीय तहबाट कार्यन्वयन गरिने स्वास्थ्य तथा जनसंख्या सम्बन्धि कार्यक्रमहरुको लागि सञ्चालन मार्गदर्शनको पहिलो प्राथमिकताको कार्यक्रम नै यही रहेको छ । आयुर्वेद तथा वैकल्पिक चिकित्सासँगै योग शिक्षालाई प्रवद्र्धन गरी नसर्ने रोगको प्रभावलाई कम गर्न सरकारले स्थानीय तहलाई विद्यालयस्तरबाटै यो कार्यक्रम अनिवार्य सुरु गर्न मार्गदर्शनमा प्रथमिकताका साथ उल्लेख गरेकोे मन्त्रालयका योजना तथा अनुगमन शाखाका उपसचिव लीलाराज पौडेलले बताउँछन् । स्वास्थ्य मन्त्रालयले स्थानीय तहलाई अनिवार्य रुपमा एउटा विद्यालयमा आयुर्वेद स्वास्थ्य हप्तामा कम्तीमा २ वटा कक्षा र योग शिक्षा कार्यक्रम पनि २ वटा नै संचालन गर्ने गरी कार्यक्रम बनाउन मार्गदर्शन दिएको हो । त्यसरी संचालन गर्दा एउटा कक्षामा ४० जनासम्म विद्यार्थी सहभागी गराउनुपर्नेछ ।

एउटा कक्षा संचालन कम्तिमा पनि १ घण्टा ३० मिनेटको हुनुपर्ने उल्लेख छ । स्थानीय तहले यो कार्यक्रम संचालनका लागि एक जना छुट्टै सहयोगी राख्न सक्नेछन् । योग प्रयोगात्मक कक्षाको लागि शिक्षकको सहभागितामा प्रशिक्षकले हप्तामा २ पटक कक्षा संचालन गर्नुपर्ने तोकिएको छ । अन्य दिनमा भने विद्यार्थी र शिक्षकद्वारा आफ्नो कक्षाका विद्यार्थीलाई आफै प्रोत्साहन गरी विद्यालयले नियम बनाएर नियमित योग गर्न सक्ने उल्लेख छ । विद्यार्थीलाई आयुर्वेद र योगको माध्यमबाट स्वास्थ्यवृत्त (दिनचर्या, ऋतुचर्या, आहारविहार आदि), सदवृत, अचार रसायन, आयुर्वेद जीवनशैली सम्बन्धि सचेत गराउने उद्धेश्यले यो कार्यक्रम राखिएको हो । त्यसैगरी स्थानीय तहमा उपलब्ध हुने जडीबुटीको उपयोगिताबारे जानकारी गराउन तथा योगको बारेमा जानकारी दिई स्वास्थ्य जनशक्ति विकास गर्ने उद्धेश्य राखिएको छ । नसर्ने रोगको महामारी फैलदैँ गएको अवस्थामा आयुर्वेद तथा योग शिक्षा विद्यालय तहबाटै सुरु गर्दा त्यसको रोकथाममा प्रभावकारी हुने भएकोले यो कार्यक्रम अघि बढाइएको मन्त्रालयका गुणस्तर मापन महाशाखाका प्रमुख डा. दिपेन्द्ररमण सिंह बताउँछन् ।

बुध, कार्तिक १३, २०७६ मा प्रकाशित

यसमा तपाइको मत

Loading...
Loading...

बाट अन्य

स्ववियु निर्वाचन

आस्थाको धरोहर आँखै अघि ढलेको हेर्न कहाँ पो सकिन्छ र । घाम छाया जस्तै लुकामारी चल्दै गरेको नेपाली राजनितीले पुर्णिामाको रातमा मात्रै हैन,औँसिको रातमा पनि आकाशको तारा नियाल्दै छ । कुरो बुजि हाल्नु भो यतिखेर  नेपाली युवा तथा विद्यार्थी राजनीतिमा गरागरम बहस चलिरहेको छ, स्ववियु...

इथियोपियाका विभिन्न विश्वविद्यालयमा अध्ययरत ३५ हजार विद्यार्थी विस्थापित

माघ, काठमाडौं । इथियोपियाका विभिन्न विश्वविद्यालयमा अध्ययरत ३५ हजार विद्यार्थी विस्थापित भएका छन् । जारी अशान्तिका कारण विभिन्न विश्वविद्यालयबाट ३५ हजार विद्यार्थीले अध्ययनका लागि अनुकुल नभएको भन्दै अन्यत्र गएको अफ्रिकी राष्ट्र इथियोपियाको शिक्षा मन्त्रालयले जनाएको छ । विश्वविद्यालयमा हुने राजनीतिक गतिविधिका कारण उनीहरूले अध्ययनका लागि अन्यत्र...

फागुन १४ गते स्ववियु निर्वाचन गर्ने घोषणा

त्रिवि कार्यकारी परिषद्को बुधबार बसेको बैठकले फागुन १४ गते स्ववियु निर्वाचन गर्ने घोषणा गरेको विद्यार्थी कल्याण महाशाखा प्रमुख गङ्गाबहादुर थापाले जानकारी दिए। परिषद्ले महाशाखा प्रमुख थापालाई त्रिवि अन्तर्गतका क्याम्पसमा स्ववियु निर्वाचनको तयारी गर्न निर्देशन दिइसकेको छ। ‘‘मलाई आज मात्र फागुन १४ मा निर्वाचन गर्न आवश्यक तयारीको...

मन्त्री बाँस्कोटाले पाँचखालमा बन्न लागेको मदन भण्डारी विज्ञान तथा प्रविधि विश्व विद्यालयको स्थलगत निरीक्षण

सञ्चार तथा सूचना प्रविधि मन्त्री गोकुलप्रसाद बाँस्कोटा आज पाँचखालमा बन्न लागेको मदन भण्डारी विज्ञान तथा प्रविधि विश्व विद्यालय निर्माणस्थल पुगेका छन् । सोही क्रममा उनले काभ्रेको पाँचखाल नगरपालिका वडा नं ७, १० र १२ मा रहेको जग्गाको स्थलगत निरीक्षण पनि गरेका छन् । सोही क्रममा मुख्य...

रत्नराज्य लक्ष्मी क्याम्पसमा नेपाल भाषा अध्यापनका निम्ति सुवाल नियुक्त

काठमाडौं / बि.ए तेस्रो बर्षमा नेपाल भाषा अध्यापनका निम्ति काठमाडाैंकाे प्रर्दशनी मार्गस्थित रत्न राज्य लक्ष्मी क्याम्पसमा नेपालभाषा विषयमा शिक्षिकाको रुपमा श्रीमिला सुवाल नियुक्त भएको छ । कार्तिक २४ गते देखि शिक्षिका सुवालले बिहानी सत्रमा बि.ए. तेस्रो बर्षका निम्ति अध्यापन गराउँदै अाइ रहेकाे छ । शिक्षिका सुवालले...

डाक्टर रश्मी शाह अमेरिकी अन्तरिक्ष संस्था नासाद्धारा सम्मानित

जनकपुरधाम । डाक्टर रश्मी शाह अमेरिकी अन्तरिक्ष संस्था नासाद्धारा सम्मानित भएकी छन् ।नासाले उनलाई अर्ली करिअर पब्लिक अचिभमेन्ट पुरस्कारबाट सम्मान गरेको हो । धनुषा जिल्लामा जन्मेकी साह नासाको जेल प्रोपल्सन लेबोरेटरी मा रिसर्च टेक्नोलोजिस्ट का रुपमा कार्यरत छिन्। सन् २०१४ मा पर्डयु विश्वविद्यालयबाट एरोनोटिक्स र एस्ट्रोनोटिक्समा...