शिक्षा

सामुदायिक विद्यालय सञ्चालक समितिको अध्यक्ष बन्नका लागि अब स्नातक तह उत्तीर्ण हुनुपर्ने


शैक्षिक गुणस्तर सुधारका लागि पश्चिम नवलपरासीको रामग्राम नगरपालिकाले सामुदायिक विद्यालयमा सञ्चालक समितिको अध्यक्ष बन्नका लागि शैक्षिक योग्यता निर्धारण गरेको छ । नगरपालिकाले जारी गरेको शिक्षा ऐन २०७५ र नगर शिक्षा नियमावलीअनुसार माध्यमिक तहको विद्यालयको सञ्चालक समितिको अध्यक्षका लागि स्नातक तह र आधारभूत तहको सञ्चालक समितिको अध्यक्ष बन्न उच्च मावि तहको अनिवार्य शिक्षा उत्तीर्ण हुनुपर्र्ने नियम लागू गरेको हो ।

नगर शिक्षा समितिका संयोजक एवं नगर प्रमुख नरेन्द्र गुप्ताले सामुदायिक विद्यालयको शैक्षिक गुणस्तर सुधार गर्न विद्यालयको सञ्चालक समितिको अध्यक्षको शैक्षिक योग्यताले महत्वपूर्ण भूमिका खेल्न सक्ने भएकाले सो नियमावली कार्यान्वयनको थालनी गरिएको जानकारी दिनुभयो ।

सोही शैक्षिक योग्यताका आधारमा वडा शिक्षा समितिबाट सिफारिस भई आएका तीन जना नामावलीउपर नगर शिक्षा समितिले एक जनालाई विद्यालयको सञ्चालक समितिको अध्यक्ष पदमा बहाली गर्ने गरेको छ भने बाँकी सदस्य नियमानुसार चयन हुने गरेका छन् ।

यस निर्णयसँगै सामुदायिक विद्यालयका सञ्चालक समितिको अध्यक्षमा अध्ययन गरेको योग्य व्यक्ति आउने भएपछि विद्यालयको शैक्षिक गुणस्तर सुधारमा निकै सघाउ पुग्ने अपेक्षा गरिएको नगर प्रमुख एवं नगर शिक्षा समितिका संयोजक गुप्ताले बताउनुभयो ।

तत्कालको अवस्थामा नगरभित्र विद्यालय सञ्चालक समितिको म्याद सकिएका विद्यालयमा सोहीअनुसार नगर शिक्षा समितिले सञ्चालक समिति बनाउने गरेको छ । यसअगावै रामग्राम नगरपालिकाले सामुदायिक विद्यालयका शैक्षिक गुणस्तर सुधारका लागि विद्यालय गाभ्ने अभियान, आन्तरिक स्रोत व्यवस्थापनलगायतका काम थालनी गरिसकेको छ । रामग्राम नगरपालिकाभित्र जम्मा ३३ वटा सामुदायिक विद्यालय रहेका छन् ।

आइत, कार्तिक १७, २०७६ मा प्रकाशित

यसमा तपाइको मत

Loading...
Loading...

बाट अन्य

डाक्टर रश्मी शाह अमेरिकी अन्तरिक्ष संस्था नासाद्धारा सम्मानित

जनकपुरधाम । डाक्टर रश्मी शाह अमेरिकी अन्तरिक्ष संस्था नासाद्धारा सम्मानित भएकी छन् ।नासाले उनलाई अर्ली करिअर पब्लिक अचिभमेन्ट पुरस्कारबाट सम्मान गरेको हो । धनुषा जिल्लामा जन्मेकी साह नासाको जेल प्रोपल्सन लेबोरेटरी मा रिसर्च टेक्नोलोजिस्ट का रुपमा कार्यरत छिन्। सन् २०१४ मा पर्डयु विश्वविद्यालयबाट एरोनोटिक्स र एस्ट्रोनोटिक्समा...

अनिवार्य रुपमा विद्यालयस्तरमा आयुर्वेद स्वास्थ्य तथा योग शिक्षा कार्यक्रम संचालन गर्न मार्गदर्शन

काठमाडौं–स्वास्थ्य तथा जनसंख्या मन्त्रालयले प्रत्येक स्थानीय तहलाई अनिवार्य रुपमा विद्यालयस्तरमा आयुर्वेद स्वास्थ्य तथा योग शिक्षा कार्यक्रम संचालन गर्न मार्गदर्शन दिएको छ । स्वास्थ्यले सचिवस्तरीय निर्णय गरी तयार पारेको आर्थिक वर्ष ०७६/०७७ मा सशर्त अनुदानतर्फ स्थानीय तहबाट कार्यन्वयन गरिने स्वास्थ्य तथा जनसंख्या सम्बन्धि कार्यक्रमहरुको लागि सञ्चालन...

राष्ट्रिय परीक्षा बोर्डले कक्षा ११ को परीक्षाफल सार्वजनिक गरे

७ असोज, काठमाडौं । राष्ट्रिय परीक्षा बोर्डले कक्षा ११ को परीक्षाफल सार्वजनिक गरेको छ । गत वैशाखमा सञ्चालित परीक्षाको नियमित, आंशिक तथा पूरक परीक्षाको परीक्षाफल बोर्डले सार्वजनिक गरेको हो । बोर्डका सूचना अधिकारी नारायण पोखरेलले मंगलबार बिहान बसेकाे बोर्ड बैठकले नतिजा सार्वजनिक गरेको जानकारी दिए । बोर्डले...

केयूमा ११ दिनदेखि ताला, उपकुलपतिको टोली कोरिया भ्रमणमा

भदौ, काभ्रे । काठमाडौं विश्वविद्यालयमा प्राध्यापक र कर्मचारीहरुले तालाबन्दी गरेको एघारौं दिन पुगेको छ । तर, ताला खुलाउन पहल नगरी उपकुलपति रामकण्ठ माकाजु नेतृत्वको टोली आइतबार दक्षिण कोरिया भ्रमणमा जाँदै छ । माकाजुसँगै डा. विष्णुप्रसाद पाण्डे, डा. संगीता शाक्य र सुनन्दा शर्मा आइतबार कोरिया जान लागेका...

ह्याण्ड राइटिङमा श्रेया उत्कृष्ट

काठमाडौँ Edu Tech सामाखुसी, काठमाडौँले अन्तर्रास्ट्रिय बालदिवस २०१८ को उपलक्ष्यमा आयोजना गरेको ‘अन्तर विद्यालय उपत्यकाव्यापी ह्याण्ड राइटिङ प्रतियोगिता’ मा टोखा नगरपालिका, वडा नं. ८, गोँगबुँ, बानियाँटारस्थित प्यारामाउण्ट एकेडेमीकी कक्षा-८ की छात्रा श्रेया गौतम प्रथम स्थान हासिल गर्न सफल भइन् । उपत्यकाभित्रका सयौँ प्रतियोगीहरूलाई पछि पार्दै प्रथम हुन...

Ambassador of Japan Mr. Masamichi Saigo inaugurated the Children’s Home

Ambassador of Japan Mr. Masamichi Saigo inaugurated the Children’s Home in Samundra Devi Khola of Nuwakot District. The Embassy of Japan extended a grant of approximately 9 million rupees to Smile Nepal (NGO) to construct the Home for children in vulnerable conditions like unaccompanied street-living...