राजनिति

आधारहिन तथ्य प्रयोग गरि डेपुटी गभर्नर शिवराज श्रेष्ठमाथि नियतवस विभिन्न अभियोग


राष्ट्र बैंकको गभर्नर पदमा नयाँ नियुक्तिको सिफारिस गर्ने बेला नै डेपुटी गभर्नर शिवराज श्रेष्ठमाथि नियतवस विभिन्न अभियोग लगाउँदै निलम्बनमा पारिएको छ ।

गभर्नरको दौडमा अगाडि रहेका श्रेष्ठलाई रोक्ने षडयन्त्रका आधारमा सम्पत्ति शुद्धिकरण विभागको सिफारिस भन्दै सिधै मन्त्रिपरिषद्बाट छानबिन समिति गठन गराइएको तथ्य फेला परेको छ । उनलाई सम्पत्ति शुद्धिकरण विभागले कुनै पत्र पठाएको छैन भने उनका बारेमा यथेष्ट जानकारी पनि संकलन गरिएको छैन ।

डेपुटी गभर्नरका रुपमा राम्रो कार्य सम्पादन गरेका श्रेष्ठलाई उनको विभागीय जिम्मेवारीमा नपर्ने कतिपय अभियोग पनि प्रचारमा ल्याइएको छ । तर छानबिन समिति गठन गर्नका निम्ति भने सम्पत्ति शुद्धिकरणको पत्रलाई सिधा आधार बनाइए पनि प्रक्रिया र पद्दती नपुराएरै मन्त्रिपरिषद्को बैठकमा उक्त प्रस्ताव लगिएको तथ्य अगाडि आएको हो ।

श्रेष्ठमाथि वित्तीय क्षेत्रमा अनुचित गतिविधि गरेको, सम्पत्ति शुद्धीकरण निवारणका प्रयासलाई अवमूल्यन गरेको, बैंक तथा वित्तीय संस्थाको नियमनमा बदनियत राखेको, विदेश भ्रमणमा फर्जी कागजात पेस गरेको, पदीय आचरणअनुकूल कार्य नगरेको, फर्जी कागजातकै आधारमा अनधिकृत सुविधा लिएकोलगायतका आरोप लगाइएको बताइएको छ । तर यी आरोप लगाउनका लागि एउटा पनि अधिकृत आधार छैनन् ।

श्रेष्ठले राष्ट्र बैंकमा हेर्ने विभाग र जिम्मेवारी खासरी सुपरिवेक्षणका मात्रै धेरै छन् । जसमा यी अभियोग पुष्टि हुने कुनै पनि प्रकारका अनुचित कार्य गर्न सक्ने अधिकार र कार्यक्षेत्र उनको जिम्मेवारीमा पर्दैन ।

उनलाई लगाइएका अधिकांश अभियोगमा अनुचित कार्य गर्ने विभागकाको जिम्मा अर्का डेपुटी गभर्नर चिन्तामणि सिवाकोटीको जिम्मामा पर्छ । सिवाकोटीले जनशक्ति व्यवस्थापन विभाग, विदेशी विनिमय विभाग, बैंक तथा वित्तिय संस्था नियमन विभाग, राष्ट्र ऋण व्यवस्था विभाग, मुद्रा व्यवस्थापन विभाग, बैंकिङ कार्यालय, सामान्य सेवा विभाग, भुक्तानी प्रणाली विभाग हेर्छन् । जबकि, श्रेष्ठमाथि लगाइएका अनेक फर्जी अभियोग सिवाकोटीले नेतृत्व गरेका विभागबाट हुने काम हुन् ।

उच्च स्रोले भन्यो,‘जसरी श्रेष्ठविरुद्धप्रचारबाजी गरिएको छ त्यो नियतबस् र फँसाउने षडयन्त्रका आधारमा भएका छन् । जिम्मेवारीमा नै नपर्ने विभागबाट हुने कामकारबाहीको अभियोग कसरी लगाउन सकिन्छ ?’

यसबाहेक सम्पत्ति शुद्धिकरण विभागको पत्रको वैधानिकतामा पनि प्रश्न उठेको छ । उसले प्रधानमन्त्री तथा मन्त्रिपरिषद्को कार्यालयमा पत्र पठाए पनि त्यसअघि श्रेष्ठसँग आधिकारीक रुपमा मौखिक वा लिखित कुनै सवालजवाफ गरेको छैन । स्रोतका अनुसार यहाँसम्मकी त्यसबारेमा कुनै जानकारी नै नदिई अकास्मात् छानबिनका लागि सिफारिस गरिएको थियो जसको जगमा नै राष्ट्र बैंकको सञ्चालक समितिले छानबिन समिति गठन गरेको छ ।

राष्ट्र बैंकमा हुने विभिन्न प्रकारका निर्णय गर्ने प्रक्रिया रहेका कारण एक जना मात्र त्यसमा दोषी नहुने स्पष्ट छन् । उपल्लो तहमा सञ्चालकसमिति सहित पदाधिकारीको सामुहिक निर्णय रहने गरेको छ भने अन्य विषयगत विषयमा पनि विभिन्न तहका कर्मचारीसम्मको सामूहिक निर्णय हुने गरेको छ ।

‘निर्णय गर्ने प्राबधानअनुसार एक जनाले मात्र कुनै निर्णय गर्ने प्रक्रिया नै छैन । यसकारण निर्णयकर्ता सञ्चालक समिति पदाधिकारी, गभर्नरदेखि विभागीय निर्देशक कर्मचारी पनि सहभागी हुन्छन् । कुनै आमुक व्यक्ति मात्र जिम्मेवार हुँदैन’, राष्ट्र बैंक स्रोतले भन्यो,‘त्यसैले अहिले आएका विवरण र आरोप श्रेष्ठलाई बाटो छेक्ने प्रोपोगान्डा भन्दा केही होइन ।’

राष्ट्र बैंकमा हुने विविध निर्णयका प्रक्रिया पद्दतीलाई गठन गरिएको छानबिन समितिले पनि मिहिन तरिकाले विश्लेषण गरी केलाउन पर्ने अधिकारीहरूको सुझाव छ ।

‘अर्थमन्त्री अध्यक्ष रहने गभर्नर सिफारिस समितिले तीन जनाको नाम दिन सक्छ जसमा अनिवार्य एक जना डेपुटी गभर्नर हुन्छन् । त्यसमा श्रेष्ठको नाम राख्नुपर्ने भएपछि प्रभावित बनाउनका लागि यस्ता झूठा अभियोग लगाइएको हुन सक्छ’, राष्ट्र बैंकका एक अधिकारी भन्छन्,‘उहाँ व्यावसायीक, पेशागत मर्यादालाई कुशलताका साथ काम गर्ने व्यक्ति हो ।’

त्यसो त ति कर्मचारीको भनाईलाई पुष्टि गर्ने आधार श्रेष्ठको कार्यकौशलताले पनि पुष्टि गरेकै थियो । शेयर मार्केट ओरालो लागेपछि आलोचनामा परेका अर्थमन्त्री युवराज खतिवडाले श्रेष्ठको संयोजकत्वमा नै एउटा सुझाव समिति गठन गरेपछि सोही आधारमा वित्तिय अवस्था सुधारका सुझाव पाएका थिए । जसका कारण अर्थतन्त्रलाई सहयोग पुगेको थियो । उच्च स्रोतले भन्यो,‘यस्तो सफलताका साथ काम गरेको मानिसलाई अहिले राजनीतिक खिचातानीको शिकारमा पार्ने कोशीश गरियो ।’

बिहि, कार्तिक २१, २०७६ मा प्रकाशित

यसमा तपाइको मत

Loading...
Loading...

बाट अन्य

अमेरिकी दूतावासले एमसीसी परियोजनामा कुनै पनि सैन्य मामिला नजोडिएको स्पष्टोक्ति

काठमाडौंस्थित अमेरिकी दूतावासले मिलिनियम च्यालेञ्ज कर्पोरेसन (एमसिसी) परियोजनामा कुनै पनि सैन्य मामिला नजोडिएको स्पष्टोक्ति दिएको छ। शुक्रबार दूतावासले एमसिसीका १० महत्वपूर्ण बुँदा सार्वजनिक गर्दै भनेको छ, ‘एमसिसीमा कुनै पनि सैन्य मामिला जोडिएको छैन। वास्तवमा अमेरिकी कानुनले कुनै पनि एमसिसी परियोजनामा सैन्य संलग्नतालाई निषेधित गरेको छ।’ सत्तारूढ दल...

सञ्चार तथा सूचना प्रविधि मन्त्री गोकुलप्रसाद बाँस्कोटा र स्वास्थ्य तथा जनसंख्या मन्त्री भानुभक्त ढकालले थप मन्त्रालय पाए

सञ्चार तथा सूचना प्रविधि मन्त्री गोकुलप्रसाद बाँस्कोटा र स्वास्थ्य तथा जनसंख्या मन्त्री भानुभक्त ढकालले थप मन्त्रालयको जिम्मेवारी पाएका छन्। राष्ट्रपति विद्यादेवी भण्डारीले शुक्रबार प्रधानमन्त्रीको सिफारिसमा बाँस्कोटालाई सहरी विकास मन्त्रालय र ढकाललाई कानुन, न्याय तथा संसदीय मामिला मन्त्रालयको जिम्मेवारी दिइएको राष्ट्रपतिको कार्यालयद्वारा जारी विज्ञप्तिमा उल्लेख छ। स्वास्थ्य मन्त्रालय सम्हाल्नुअघि ढकालले कानुन...

राष्ट्रिय दैनिकहरुमा अमेरिका र इरानबीचको तनावले मध्यपूर्वमा नेपालीको अवस्थाको बारेमा समाचारहरु

काठमाडौँ । आज पुस २४ गते बिहीबार देशका प्रमुख राष्ट्रिय दैनिकहरुमा अमेरिका र इरानबीचको तनावले मध्यपूर्वमा नेपालीको अवस्थाको बारेमा समाचारहरु प्रकाशित गरेका छन् । नागरिक दैनिकका अनुसार संयुक्त राज्य अमेरिका र इरानबीच द्वन्द्व बढ्दा मध्यपूर्वमा काम गरिरहेका करिब १० लाख नेपाली असुरक्षित देखिएका छन् । इरानले...

इरानमा बुधवार विहान १८० जना सवार युक्रेनको बोइङ ७३७ विमान दुर्घटनाग्रस्त

इरानमा बुधवार विहान १८० जना सवार युक्रेनको बोइङ ७३७ विमान दुर्घटनाग्रस्त भएको स्थानीय संचारमाध्यमले जनाएका छन्। युक्रेन अन्तर्राष्ट्रिय वायुसेवाको विमान तेहरानको इमाम खामेनी विमानस्थलबाट उडान भर्ने बित्तिकै दुर्घटना भएको फार्स समाचार संस्थाले जनाएको छ। उक्त विमान युक्रेनको राजधानी किएभतर्फको उडानमा रहेको बताइएको छ। सो दुर्घटनाको सम्बन्ध अहिलेको इरान-अमेरिका...

धनुषा – जनकपुरमा शंकास्पद बस्तु फेला परे

धनुषा – जनकपुरमा शंकास्पद बस्तु फेला परेको छ । जनकपुरधाम उपमहानगरपालिका वडा नम्बर ४ नेपाल राष्ट्र बैंक र  नेपाल पत्रकार महासंघ धनुषा शाखा  कार्यालयबाट १५० मिटरको दूरीमा  शुक्रबारी बजार शंकास्पद बस्तु फेला परेको हो । अहिले शंकास्पद बस्तु फेला परेको ठाउँमा घेरा हालेर सर्वसाधारणलाई प्रवेशमा रोक लगाइएको छ  । घटनास्थलमा व्यापक रूपमा प्रहरी...

नेपाली भूभाग भारतले अतिक्रमण गरेको विरोधमा ‘सडक कविता आन्दोलन’ सुरु

काठमाडौं । कालापानी, लिपुलेक, लिम्पियाधुरालगायतका नेपाली भूभाग भारतले अतिक्रमण गरेको विरोधमा ‘सडक कविता आन्दोलन’ सुरु भएको छ । यही आन्दोलनको क्रममा मंगलबार काठमाडौंको गोङ्गबु चोकमा कवि र सर्जकहरुले कविता वाचन गरेका छन् । कार्यक्रममा युवा साहित्यकार रसुवाली कवि, अखिल नेपाल लेखक संघका केन्द्रीय सदस्य बीपी विद्रोही,...