प्रमुख समाचार

भान्जा सिवाकोटीलाई गभर्नरको रेशमा राख्ने डेपुटी गभर्नर श्रेष्ठमाथि महानिर्देशक भट्टराईद्वारा शक्तिको दुरुपयोग


एक तिरले दुई शिकार गर्ने भन्ने उखान चरितारार्थ पार्न सम्पत्ति शुद्धिकरण विभागका महानिर्देशक रुपनारायण भट्टराईले शक्तिको दुरुपयोग गरेको खुलेको छ ।

राष्ट्र बैंकका डेपुटी गभर्नर शिवराज श्रेष्ठलाई ‘अमूर्त’ विषयमा सम्पत्ति शुद्धिकरणको पत्र काटी छानबिन समिति नै गठन गर्नेसम्मको खेलको लहरो भट्टराईको नातावादी चरित्रमा प्रस्ट जोडिएको दैनिक नेपालले फेला पारेको छ ।

श्रेष्ठलाई गभर्नरको दौडमा रोक्न सके भट्टराईका भान्जा नाता पर्ने अर्का डेपुटी गभर्नर चिन्तामणि सिवाकोटी दौडमा पर्नेछन् । यसरी श्रेष्ठमाथि छानबिनको डन्डा चलाउनका लागि भट्टराईलाई सरकारका तर्फबाट सञ्चारमन्त्री गोकुल बास्कोटाको ढाडस दिलाउन सिवाकोटीको हात रहेको उच्च स्रोतले बतायो । बास्कोटा र सिवाकोटी ‘क्लासमेट’ हुन् ।

भट्टराईको ठाडो आदेशमा सम्पत्ति शुद्धिकरणको वित्तिय क्षेत्र व्यवस्थापन तथा संस्थान समन्वय महाशाखाका प्रमुख उपसचिव गोविन्दप्रसाद सुवेदीले राष्ट्र बैंकमा श्रेष्ठमाथि छानबिन गर्न ७ कात्तिकमा पत्र काटेका थिए । सोही पत्रका आधारमा नै राष्ट्र बैंक सञ्चालक समितिले छानबिन समिति गठन गरेको छ । जसलाई एक महिनाभित्र प्रतिवेदन बुझाउन सरकारको निर्देशन छ ।

यति गर्दा भट्टराईले सिवाकोटीलाई मात्र दौडमा ल्याउने रणनीतिमा निर्देशन दिएका छैनन्, श्रेष्ठलाई निलम्बनमा पारिए सिवाकोटीका ज्वाँईलाई डेपुटी गभर्नरमा बढुवा गर्ने खेल खेलेका हुन् । राष्ट्र बैंकका कार्यकारी निर्देशक रहेका लक्ष्मी निरौला डेपुटी गभर्नरमा बढुवा गर्ने तयारीअनुसार उक्त छानबिनको पत्र काटिएको हो । निरौला सिवाकोटीका ज्वाँई हुन् ।

भट्टराईले छानबिनका लागि लेखेको पत्रमा लगाइएको आरोपमा कुनै स्पष्ट र आधिकारीक विषय खुलाइएको छैन । अमूर्त विषय उठान गरिएको पत्रमा श्रेष्ठमाथि ‘पद अनुकुलको कार्य नगरेको, वित्तिय क्षेत्रमा अनुचित गतिविधि गरेको, सम्पत्ति शुद्धिकरणका निम्ति गरेको प्रयासको अवमूल्यन गरेको, बैंक तथा वित्तिय संस्थाको नियमनको काममा बद्नियत राखेको, फर्जी सुविधा लिएको’ उल्लेख छ ।

यी अभियोग नै अमूर्त देखिन्छन् भने कतिपय आरोप श्रेष्ठको विभागीय जिम्मेवारीमा नै नपर्ने छन् । राष्ट्र बैंक उच्च स्रोतले भन्यो,‘तैपनि डेपुटी गभर्नर आफैंले एक्लै कुनै पनि निर्णय लिन सक्तैन । गर्भनर, अन्य विभागीय जिम्मेवारी भएका उच्च तहका कर्मचारीको सहभागीता, सञ्चालक समितिका सदस्यसहितले सामुहिक निर्णय गर्छन् । श्रेष्ठ एक्लैले कुनै पनि निर्णय लिन सक्तैनन् ।’

अर्कोतिर राष्ट्र बैंकको लेखाले पनि श्रेष्ठले फर्जी बिल पेस गरेको भन्ने कतै कैफियत देखाएको छैन । जसलाई सम्पत्ति शुद्धिकरणको पत्रमा प्रमुख मध्येको एउटा अभियोग देखाउन खोजिएको छ ।

छानबिन समितिले काम थालिसकेको छ । तर, उसलाई पनि प्रभावमा पार्न सकिने रणनीति अपनाइएको उच्च स्रोतको दाबी छ ।

छानबिन समितिको प्रतिवेदन आउन समय लगाउँदै श्रेष्ठलाई निलम्बनमा नै राख्न पाए भट्टराईले प्रयोग गरेको रणनीति सफल बनाउने र भान्जा सिवाकोटीलाई गभर्नरको रेशमा राख्ने तयारी भएको हो । त्यसो हुँदा पनि सिवाकोटी, नियुक्त हुने कुनै ग्यारेन्टि छैन ।

भट्टराईले नेतृत्व गरेको विभाग सिधा प्रधानमन्त्री केपी शर्मा ओलीको माथाहतमा रहेको छ । जसले कुनै पनि अभियोग लगाउनका निम्ति सिधा प्रधानमन्त्री तथा मन्त्रिपरिषद्को कार्यालयमार्फत नै क्याबिनेटमा प्रस्ताव लैजान सक्छ । यी सबै विषय प्रधानमन्त्री ओलीको जानकारीमा हुँदैनन् । हालैको मन्त्रिपरिषद्को बैठकमा पनि श्रेष्ठमाथिको छानबिन समिति गठन गर्ने विषय अचानक प्रवेश गराइएको थियो । प्रधानमन्त्री ओलीलाई कन्भिन्स गर्न श्रेष्ठलाई ‘कांग्रेस’ भन्ने बिल्ला भिराइएको थियो । जबकि, श्रेष्ठमाथि ३० बर्षको जागिरे जीवनमा कुनै पनि पार्टीको कार्यकर्ता वा सदस्यता लिएको कुनै अभियोजन लागेको भेटिँदैन ।

यता, राष्ट्र बैंकका व्यावसायीक कर्मचारीहरू भने श्रेष्ठमाथि लगाइएका आरोपले अचम्मित भएका छन् । उनीमाथि लगाइएका आरोप कुनै पनि हालको विभागीय जिम्मेवारीमा नहुँदा नहुँदै र एक्लै गर्नै नसक्ने भएकाले छानबिनको विषय कसरी आयो भनी विवादीत बन्न सक्ने कर्मचारीहरू बताउँछन् ।

आइत, कार्तिक २४, २०७६ मा प्रकाशित

यसमा तपाइको मत

Loading...
Loading...

बाट अन्य

बङ्गलादेशका राष्ट्रपति मोहम्मद अब्दुल हमिद नेपालको चार दिवसीय औपचारिक सद्भावना भ्रमणका क्रममा

राष्ट्रपति विद्यादेवी भण्डारीको निमन्त्रणामा बङ्गलादेशका राष्ट्रपति मोहम्मद अब्दुल हमिद नेपालको चार दिवसीय औपचारिक सद्भावना भ्रमणका क्रममा आज अपराह्न काठमाडौं आइपुग्नुभएको छ । नेपाल आइपुग्दा त्रिभुवन अन्तरराष्ट्रिय विमानस्थलको अतिविशिष्ट कक्षमा पुगेर राष्ट्रपति भण्डारीले बङ्गलादेशी समकक्षी हमिदलाई स्वागत गर्नुभयो । विमानस्थलको सोही कक्षमा राष्ट्रपति हमिदलाई पञ्चकन्याले पुष्पहारद्वारा स्वागत...

बनेपाबाट नेपालथोक जाँदै गरेको बा ४ ख ३३१९ नम्बरको बस दुर्घटना

काभ्रेमा बस दुर्घटना भएको छ। बनेपाबाट नेपालथोक जाँदै गरेको बा ४ ख ३३१९ नम्बरको बस दुर्घटना भएको हो। नमोबुद्ध नगरपालिका वडा नम्वर २ स्थित सडकमा बस दुर्घटना भएको जिल्ला प्रहरी कार्यालय काभ्रेका एसपी जयराम सापकोटाले जानकारी दिए। बसमा सवार २० जना यात्रु घाइते भएका छन्। ‘हामीले...

सीमा विवाद समाधानका लागि परराष्ट्र सचिवस्तरीय संयन्त्रको बैठक बसी वार्ताको लागि भारत तयार

कालापानी क्षेत्रको सीमा विवाद समाधानका लागि परराष्ट्र सचिवस्तरीय संयन्त्रको बैठक बसी वार्ताको लागि भारत तयार भएको छ । भारतले हालसालै कालापानी क्षेत्रको नेपाली भूभागलाई समेटेर नयाँ नक्सा जारी गरेपछि नेपालमा विरोध भइरहेको छ । नेपालका सबै दलहरुले भारतलाई एक इन्चपनि भुमि नछाड्ने बताईरहेका छन् । प्रधानमन्त्री केपी...

सीमा विवाद समाधानका लागि परराष्ट्र सचिवस्तरीय संयन्त्रको बैठक बसी वार्ताको लागि भारत तयार

कालापानी क्षेत्रको सीमा विवाद समाधानका लागि परराष्ट्र सचिवस्तरीय संयन्त्रको बैठक बसी वार्ताको लागि भारत तयार भएको छ । भारतले हालसालै कालापानी क्षेत्रको नेपाली भूभागलाई समेटेर नयाँ नक्सा जारी गरेपछि नेपालमा विरोध भइरहेको छ । नेपालका सबै दलहरुले भारतलाई एक इन्चपनि भुमि नछाड्ने बताईरहेका छन् । प्रधानमन्त्री केपी...

जहाज आपसमा ठोक्किएर त्रिभुवन अन्तर्राष्ट्रिय विमानस्थलको आन्तरिक उडान अस्तव्यस्त

काठमाडौँ –   साँघुरो पार्किङ, त्यसमाथि एयरलाइन्सको जथाभावी पार्किङका कारण त्रिभुवन अन्तर्राष्ट्रिय विमानस्थलको आन्तरिक उडान अस्तव्यस्त बनेको छ । प्रतिस्पर्धी एयरलाइन्सको होडबाजी तथा व्यवस्थापनको लापरवाहीका कारण दुर्घटनाको जोखिम उत्तिकै बढेको छ । त्यसको उदाहरणको रूपमा आजै दिउँसो दुई जहाज ठोक्किएको घटनालाई लिन सकिन्छ । आन्तरिक उडानका दुई ठूला वायुसेवा...

‘कालापानी र लिपुलेक हाम्रा अभिन्‍न अंग हुन्, सरकारले गम्भीर पहलकदमी गरोस्’

काठमाडौं : नेपाली भूमि कालापानी र लिपु लेकलाई समेटेर भारतले आफ्नो नयाँ राजनीतिक नक्सा सार्वजनिक गरेपछि नेपाली कांग्रेसका प्रवक्ता विश्वप्रकाश शर्माले नेपाल सकारले आधिकारिक धारणा सार्वजनिक गर्न माग गरेका छन्। भारतले केही महिनाअघि विवादित भूमि जम्मु-कश्मीरलाई दिइएको विशेष दर्जा खारेज गरेपछि नयाँ नक्सा सार्वजनिक गरेको हो।...