खेलकुद

दक्षिण एसियाकै सबैभन्दा सानो देश माल्दिभ्सले दक्षिण एसियाली खेलकुद (साग) मा पहिलो पटक स्वर्ण


१७ मंसिर, काठमाडौं । क्षेत्रफलमा दक्षिण एसियाकै सबैभन्दा सानो देश माल्दिभ्सले दक्षिण एसियाली खेलकुद (साग) मा पहिलो पटक स्वर्ण पदक जितेको छ । सागको ३५ वर्षे इतिहासमा उसले एथ्लेटिक्सबाट स्वर्ण जितेको हो ।

१०० मिटर दौड १०.४९ सेकेन्डमा पुरा गरेर हसन साइदले इतिहास रचेका हुन । उनले श्रीलंकाका हिमेश इशानलाई पछि पारे स्वर्ण चुमेका हुन । १३ औं सागमा माल्दिभ्सको यो पहिलो पदक हो ।

को हुन हसन ?

२७ वर्षीय हसनले यसअघि सागमा तीन पदक जितीसकेका छन् । २०१६ मा भारतको गुहाटीमा सम्पन्न १२ औं सागमा उनले १०० र २०० मिटर दौडमा रजत पदक जितेका थिए ।

२०१० मा ढाकामा भएको एघारौं सागमा १०० मिटर रिलेमा कास्य पदक जितेका थिए ।

१००, २०० र ४०० मिटर दौडका राष्ट्रिय कीर्तिमानधारी हुन । उनले २०१५ मा बेइजिङमा सम्पन्न एथ्लेटिक्स वल्र्ड च्याम्पियनसीपमा १०.४२ सेकेन्डको राष्ट्रिय कीर्तिमान कायम गरेका थिए ।

हसन २०१० देखि कमनवेल्थ गेम्स, एसियन गेम्स, वल्र्ड च्याम्पियनसीपका विभिन्न स्पर्धामा सहभागी हुँदै आएका छन् ।

१३ संस्करणमा १४ पदक

हसनले जितेको स्वर्ण सहित साग सुरु भएयता माल्दिभ्सले जितेको पदक संख्या १४ पुगेको छ । उसले यसअघि नै ४ रजत र ९ कास्य पदक जितेको छ ।

१९८४ मा काठमाडौंमा भएको पहिलो सागमा कास्य पदकबाट माल्दिभ्सले खाता खोलेको थियो । तर दोस्रो, तेस्रो र चौथो सागमा एउटा पनि पदक जित्न सकेन । श्रीलंकामा सम्पन्न पाँचौं सागमा उसले पुनः एउटा कास्य हात पार्‍यो ।

छौटौं सागमा पदक विहिन बनेपनि सातौं सागमा रजत पदक जित्यो । १९९९ काठमाडौंमा सम्पन्न सागमा उसले चार वटा कास्य पदक जित्यो ।

पाकिस्तानमा आयोजित नवौं र श्रीलंकामा आयोजित दसौं सागमा फेरी पदकविहन भयो । एघारौं सागमा दुई वटा कास्य पदक जित्यो ।

भारतमा सम्पन्न १२ औं सागमा दुई रजत र एक कास्य पदक जित्यो ।

सँधै विदेशी भूमिमा

नेपाल, भारत र बंगलादेशले तीन–तीन साग आयोजन गरिसकेको छ । श्रीलंका र पाकिस्तान दुई दुई पटक आयोजक बनीसकेको छ ।

पोखरा महानगरपालिका भन्दा कम अर्थात २९८ वर्ग किलोमिटर क्षेत्रफल भएको माल्दिभ्सले अझैसम्म साग आयोजना गरेको छैन । १४ औं साग पाकिस्तानले आयोजना गर्दैछ ।

पाकिस्तानले आयोजना गर्न नसकेको अवस्थामा २०२२ मा पहिलो पटक माल्दिभ्स आयोजक बन्नेछ । पाकिस्तानले हात झिकेको अवस्थामा श्रीलंका र माल्दिभ्स संयुक्त आयोजक बन्नेछन् ।

मङ्ल, मंसिर १७, २०७६ मा प्रकाशित

यसमा तपाइको मत

Loading...
Loading...

बाट अन्य

एन्फाले कोरोना भाइरसविरुद्ध लड्न महानगरपालिकालाई एम्बुलेन्स दिए

काठमाडौं । अखिल नेपाल फुटबल संघ (एन्फा) ले मंगलवार आफ्नो दुई एम्बुलेन्स ललितपुर महानगरपालिकालाई हस्तान्तरण गरेको छ । एन्फाले कोरोना भाइरसविरुद्ध लड्न महानगरपालिकालाई एम्बुलेन्स दिएको हो । प्रकोप अन्त्यपछि फर्काउने गरी २ एम्बुलेन्स उपलब्ध गराइएको एन्फाले जनाएको छ । एन्फा अध्यक्ष कर्माछिरिङ शेर्पा र ललितपुर महानगरपालिकाका मेयर चिरीबाबु...

गौतमबुद्ध अन्तर्राष्ट्रिय क्रिकेट रङ्गशालालाई धादिङ गल्छी गाउँपालिकाले १०० टिपर बालुवा सहयोग

चितवन,१८ माघ । चितवनमा निर्माणधिन गौतमबुद्ध अन्तर्राष्ट्रिय क्रिकेट रङ्गशालालाई धादिङको गल्छी गाउँपालिकाले १०० टिपर बालुवा सहयोग गरेको छ । शनिबार धादिङबाट १०० वटा टिपरले बालुवा रङ्गशाला ल्याएका हुन् । गल्छी गाउँपालिका– ४ का अध्यक्ष राजु अधिकारीले एक टिपरमा २६५ क्युफिट रहेकोे र प्रति टिप मूल्य ३०...

दशरथ रंगशालाको मैदान एक दिनको वर्षा पनि नधान्ने

देशको सबैभन्दा ठूलो लिग सहिद स्मारक ए डिभिजन लिगको गत संस्करणका सबै खेल एन्फा कम्प्लेक्स सातदोबाटोमा भए। चार वर्षपछि लिग आयोजना गरेको अखिल नेपाल फुटबल संघ (एन्फा)ले लिगको रौनक फर्कने विश्वास गरेको थियो। तर एन्फाले सोचे जस्तो भएन। रेलिगेशनबिनाको लिगमा न त दर्शक आए न त...

१३ औं सागमा स्वर्ण पदक विजेता खेलाडीहरुलाई सरकारले जनही ९ लाख दिने

काठमाडौं । १३ औं दक्षिण एसियाली खेदकुद प्रतियोगिता (साग)मा स्वर्ण पदक विजेता खेलाडीहरुलाई सरकारले जनही ९ लाख दिने भएको छ । बुधबार दिउँसो बालुवाटारमा आयोजित एक कार्यक्रममा प्रधानमन्त्री केपी शर्मा ओलीले स्वर्ण विजेता खेलाडीहरुलाई प्रतिब्यक्ति नौ लाख दिने घोषणा गर्नुभएको हो । त्यस्तै प्रधानमन्त्री ओली रजत जित्ने...

भुटानलाई हराउँदै नेपालले १३औं दक्षिण एसियाली खेलकुद (साग) फुटबलको स्वर्ण नेपालले जिते

२४ मंसिर, काठमाडौं । भुटानलाई हराउँदै नेपालले १३औं दक्षिण एसियाली खेलकुद (साग) अन्तरगत पुरुष फुटबलको स्वर्ण नेपालले जितेको छ । साग फुटबलमा नेपालको यो लगातार दोस्रो पटक उपाधि हो भने समग्रमा चौथो । मंगलबार भएको फाइनल भिडन्तमा नेपालले भुटानलाई २-१ गोल अन्तरले हराएको हो । त्रिपुरेश्वरस्थित दशरथ...

१४ औं दक्षिण एसियाली खेलकुद प्रतियोगिता पाकिस्तानमा गर्ने निर्णय

मंसिर, काठमाडौं । १४ औं दक्षिण एसियाली खेलकुद प्रतियोगिता पाकिस्तानमा गर्ने निर्णय भएको छ । सोमबार बसेको दक्षिण एसियाली ओलम्पिक काउन्सिलको बैठकले १४ औं साग पाकिस्तानमा गर्ने निर्णय गरेको नेपाल ओलम्पिक कमिटीले जानकारी दिएको छ । बैठकको निर्णयमा भनिएको छ ‘आगामी १४ औं दक्षिण एसियाली खेलकुद प्रतियोगिता...