नेपालमा खाद्य सुरक्षाको अनुगमन प्रणाली बिग्रिएको एक प्रतिवेदनले देखाएको छ । बैशाख १२ को महाविनाशकारी भूकम्पपछि खाद्य बस्तुहरुको मूल्य अकासिएको पनि प्रतिवेदनमा उल्लेख छ ।विश्व खाद्य कार्यक्रम र आर्थिक पत्रकार समाज सेजनले गरेको कार्यक्रममा भुकम्पपछि खाद्य सुरक्षाको अवस्था दयनीय बनेको जानकारी दिइयो । कार्यक्रममा प्रस्तुत गरिएको खाद्य सुरक्षा सम्वन्धि प्रतिवदेनमा खाद्य सुरक्षाको अनुगमन बिग्रिएसंगै जीवन यापन कष्टकर बनेको उल्लेख छ । भूकम्पपछि अन्न उत्पादनमा कमी, सडक र बजार प्रवद्र्धनमा समस्या भएकाले गर्दा मुगु जस्ता थुप्रै जिल्लामा खाद्यान्न संकट भएको प्रतिवेदनले जनाएको छ ।
रसुवा, नुवाकोट र मकवानपुरमा मानवीय सहायता, हिउँदे बाली उत्पादन, बजारको सञ्चालन र सडकको राम्रो पहुँच भएकाले खाद्य वितरणमा समस्या नहुने प्रतिवेदनमा उल्लेख छ ।