कृष्ण श्रेष्ठ

पुनर्निर्माण गर्नुपर्ने यत्रो अवसर प्राप्त छ। जनताको मन जित्ने मौका छ। पुनर्निर्माण चाँडै गरे पार्टीलाई लोकप्रिय बनाउन पनि सकिन्थ्यो होला। पैसाको पनि प्रबन्ध छ, अन्तर्राष्ट्रिय समुदायले दिन्छु भनेकै छ। सरकारले आफैंले दुई सय अर्ब छुट्याउने भनेको थियो। पूँजीगत अभाव छैन। स्रोत छ, मैदान छ। जनताले चाहना राखेका छन्, जनताले सहयोग पक्कै गर्छन्, किनभने आफ्नै घर बनाउनुछ। तर यति हुँदाहुँदै किन काम भएन? कर्मचारी पुनर्निर्माण प्राधिकरणमा काम गर्न जान मानेनन्। कस्तो सरकार हो यो? जसको नेतृत्वमा भएको सरकार उसैका कर्मचारी काम गर्न मान्दैनन्।