पैसा कमाउनका लागि विदेश नै ताक्ने प्रवृति बिस्तारै कम हुन थालेकाे छ । विदेश गएका नेपालीहरु नै फर्केर स्वदेशमै विभिन्न पेशा अंगाल्न थालेपछि गर्न सके अाफ्नै देशमा धेरै कुरा गर्न सकिन्छ भन्ने युवाहरु बुझ्न थालेका हुन् ।
यसैबीच सुर्खेतकाे धारापानी हिलेका कृषकले तरकारी खेतीबाट मनग्गे कमाइ गरेका छन् । परम्परागत कृषि प्रणालीबाट जीवन धान्न धौधौ भएपछि हिजोआज स्थानीय कृषक व्यावसायीक तरकारी खेतीप्रति आकर्षित हुन थालेका छन् । हाल सो क्षेत्रका कृषकका लागि तरकारी खेती आय आर्जनको विकल्प बनेको छ ।
परम्परागत तरकारी खेती थालेका उनीहरुले दैनिक जीवनयापन गर्न मिल्ने खर्च आर्जन गरिरहेका छन् । सो क्षेत्रका कृषकहरु बेमौसमी तरकारीबाट कमाई राम्रोे भएको बताएका छन् । हिले–५ का अधिकांश युवा भारततिर कमाउन गर्थे तर आजभोली स्थानीय स्तरमै तरकारी खेतीगर्ने गरेका छन् ।
केही वर्षअघि युएसआडी नेपाल सिप्रेडले बिऊ बिज वितरण गरेपछि कृषकहरुमा तरकारी खेतीमा रुची जागेको कृषक गोपाल खडकले बताए । तरकारी उत्पादन गरेपनि मूल्य नपाएकोमा भने कृषक चिन्तित छन् । तरकारी खेतीमा लाग्ने रोगबारे जानकारी नहुँदा समस्या भएको कृषकहरुले बताउने गरेका छन् । कृषकहरुले वार्षिक एक जनाले पाँच लाखसम्म आम्दानी गर्दै आएका छन् ।
धारापानी ५ की कृषक रती ओलीले तरकारीबाट आफूले वर्षमा १ लाखसम्म आम्दानी गर्दै आएको बताएकी छन् । ओलीले स्थानीय बोटेचौर बजारमा तरकारी तरकारी बेच्दै आएको बताइन् । आफूहरुले उत्पादन गरेको तरकारीले २० देखि २५ रुपैयाँमा बेच्नु परेको ओलीले गरेको भनाई छ ।
कृषकहरुले लगाएको काउली बन्दा, टमाटरमा रोग लाग्छ । तालिम पाएको भए कुन रोग लाग्यो भनेर थाहा पाउथ्यौ । तालिम पाएका छैनौ । वर्ष भरीको मिहनेत मात्र खेर जाने होकी भन्ने चिन्ताले सताउने गरेको किसानहरुको भनाइ छ ।
हिलेका मोहवीर ओली वर्षमा ६० हजार कमाउथे भने यो वर्ष चिन्तित भएका छन । काउलीका पातमा पहेलो रोग लागेपछि । उनले आफूले ५ देखि ६ क्वीन्टलसम्म काउली उत्पादन हुने भएपनि रोगका कारण समस्या भएको बताए । मोहवीरले बन्दा, गोलभेडा, करेला आलु, सुन्तला, कागती फर्र्सी, सिमी, चना, केराउबाट पनि आम्दानी गर्दै आएको बताए ।
त्यस्तै हिले–५ की डिलसरी ओलीले पनि तरकारीबाटै जीवन गुजरा चलाउँदै आएकी छन् । उने अघिल्लो वर्ष डिलसरीले एक किलोसम्मको आलु फालाएर चर्चा आएकी थिएइन । उनले एक वर्षमा १० क्वीन्टलको आलु फलाउछन् । डिलसराको तरकारीबाट आम्दानी देखेर श्रीमान् विदेशबाट घर फर्केका छन् ।
