उहिले उहिलेको झरी
तानसेनमा थियो
किताबको गातामा
आज पनि सुरक्षित छ
त्यो पोखरा माले पाटनको भन्दा
गहिरो पनि झरी
अझै हाम्रो दिमागमा बसीरहेछ
उही
झरी बिश्व बिधालयका प्रखर प्रोपेसर
अझैँ तानसेनको झरीको निबन्ध
घोकाइरहेछ ठाडे र राम्चेबाट
बोकेझुन्डा हुदै जब धुन्चे आइपुग्छ
झरी
मुलखर्कमा भरियाको सुदिन फिरेर
आउछ
नेपाल सरकारको बजेटले
मुलखर्कमा सहदाद प्राप्त गर्छ
राष्ट्र गौरबको योजनाले
हावा खान्छ
धुन्चेको आदिम ब्यापारिक मुहार फेरिन्छ
नेपालको व्यवस्थाको रंग फेरीए
जस्तो फेरी धुन्चेमा फेरिन्छ बजार भाउ
धुन्चेका प्रिय मित्रहरु सम्झिरहेछु
ति झरी बादल दिनहरु
रमाइलो पुरातन किसा
आज त्यही भएको छ
बादल उड्दै कता जान्छ
गोल्जुंगको लेकमा कि गोसाईकुण्डमा स्याफ्रु बेसीमा
कि मैलुंग खोलामा
जे भए पनि धुन्चे झरीमा
मनको मैलो उसै उसै बगीजान्छ
बादलसगै कल्पनामा मन टासिएर
मन उडीजान्छ
धर्तिको माथि माथि
झरी पर्दा सम्झन्छु
प्रिय धुन्चेलाइ
दुखहरुले जेलेपनि
धुन्चेमा हिमाल त् हासीरहन्छन
