हप्की दप्की गरेर नै काम पनि चलाऊ
यो हाकिम कडा रैछ भन्ने नाम चलाऊ
बोल्न सक्ने जतिलाई आफ्नै घर बोलाऊ
निमुखाको काम गर्न धेरै दिन झुलाऊ ।। १।।
अधिकार खोज्नेलाई झुट्टा आरोप लगाऊ
आफ्नो भन्ने जातिलाई सजिलोमा खटाऊ
काम गर्ने जतिलाई काम थपि रिंगाऊ
आफ्नो कार्यकाल भरि त्यसैगरि टिकाऊ ।।२।।
साधारण मान्छे भए दुःख दिई रुवाऊ
गन्ने मान्ने देख्यौ भने घर लगि खुवाऊ
अझ माथि बस्नेलाई नजराना टक्य्राऊ
चाकरी र चाप्लुसीले अझै धेरै रिझाऊ ।।३।।
आफू पनि चैन गरी दिन सधैँ बिताऊ
नातागोता जतिलाई जागिरमा छिराऊ
आफ्नो मान्छे कतै छुट्ला राम्रो होस पु¥याऊ
योग्य व्यक्ति आए भने ढोकातिर उभ्याऊ ।।४।।
