मुक्तक

१.
मान्छे सबै एउटै हुँदैनन् बुझें
पर्दा दुःखमा सबै रुँदैनन् बुझें
कुरा काट्नु अरुको राम्रो हुँदैन
पण्डीत पनि गिता छुँदैनन् बुझें !
–२०७५।३।३ पाल्पा

२.
संघियताले देशको चित्र फेरियो
सधैं उस्तै नेताको चरित्र हेरियो,
आसन र भाषण मात्र छ विकास
किन ? देशमा यस्तै विचित्र घेरियो !
– २०७४। कार्तिक १९, तानसेन

३.
सुखैमा त सुन्दरी र सुरा हुन्छ
पीडामा सधैं आडको कुरा हुन्छ
सपना सवैका हुन्छन जीवनमा
तर कमैको मात्र त्यो पूरा हुन्छ ।