झर्को लाग्दो कुरा गरी नबिगारौं नाम। जनताको भोक मेट्न पैला गरौँ काम।
गाँस,बाँस,कपासको पैला कुरा सोचौं ।
रेलमार्ग सुरूङ्ममार्ग अनि खन्न खोजौ।
गरिबीको रेखामुनि हामी पर्यौ तल।
छिमेकीको दाजोतीर पुग्न गरौँ बल।
मिलजुल काम गरौँ देश बन्छ राम्रो ।
जडीबुटी खनिजको भण्डार छ हाम्रो ।
जलस्रोत भा`को देश अङ्ग्रेजले ताके।
हाम्रा पुर्खा सपुतले जोगाएर राखे।
यो देशको उत्थानमा लागौं हामी सबै।
भाइभाई झगडामा नरूमलिउ कवै।
अान्तरिक कलहले पराइले हेप्छन।
अशान्तिको दुख पीडा जनताले खेप्छन।
विकासको काम गर्न बनौं एकजुट।
जनतामा कहिल्यै पनि नल्याउ है फुट।
