गजलका सेर र उनी

चिसो याममा
न्यानो घाममा बसेर
बदाम र सुन्तला
खाएकाे बेलाकाे प्रेम
मैले गजल लेखेर
सम्पादन गरिरहदा
सुर्य साँझमा
लुके जसरी लुकीसकेछ
सायद
अर्कै महादेशमा
उनी घुमिरहदा
म यहीँकाे बदाम र सुन्तलासँग
घाम तापिरहेछु
गजल लेख्न छाडेर
उनकाे र मेराे कथा व्यथा लेख्दैछु
गजलका सुस्केरा र सेर
उनलाई समर्पण गर्दै
घाममा अाङ तन्काएर
चिसाेले कठ्याङ्गिएका
नशा तन्काउदै
पातालकाे नक्शा निहालिरहेछु
उनलाई सम्झिरहेछु ।