भक्तपुर । कोरोना भाइरसको आतँक चलिरहेका बेला चीनबाट ल्याउन लागिएका नेपालीहरुलाई खरिपाटी स्थित नेपाल विद्युत प्राधिकरणको तालिम केन्द्रमा नराख्न भन्दै स्थानीय अन्दोलित भएका छन् ।
नेपाल सरकारले निर्णय गरि चिनमा रहेका १८० जनालाई निगकरानीका लागि उक्त स्थान चयन गरेपछि यस क्षेत्रका स्थानीयहरु अन्दोलित भएका हुन् ।
आज स्थानीयहरुले कालो झन्डा र नारा सहित नगरपालिका घेराउ गरेका छन् भने उक्त स्थानमा चीनबाट ल्याउन लागिएका नेपालीहरुलाई बस्ती माझमा नभएर अन्यत्रै सुरक्षित स्थानमा राख्न आग्हका साथ ज्ञापन पत्र बुझाएका हुन् ।
अन्दोलनमा आएका प्रदेश सभासद कृष्णलाल भडेलले चीन बाट ल्याउन लागेका नेपालीहरुलाई निगरानीका लागि जसरी मानव बस्ती माझको स्थान चयन गरिएको छ यो गलत भएको र एकान्त स्थान र सुरक्षित स्थानको चयन सँगै मानब बस्तीबाट तीन किलोमिटर पर राख्नु पर्ने बताए ।
त्यस्तै स्थानीय प्रकाश लामिछाने भन्छन्, बस्ती माझ रहेको यस स्थानमा सरकारले चीनबाट ल्याउन लागेका नेपाली नागरिकलाई निगरानीका लागि राख्न थालेको भन्ने बिभिन्न संचार माध्यममा आए सँगै स्थानीहरु अन्दोलित बनेको बताए । उनले भने नेपाली नागरिकको उद्धारमा सरकारले देखाएको तत्प्रता राम्रो भएता पनि चीनबाट ल्याउन थालिएका नेपालीका लागि स्वास्थय निगरानीको स्थल भने गलत चयन गरेकाले बिरोध गर्नु परेको हो । उनले भने सरकारले पेलेरै यस स्थानमा चीनबाट ल्याउन थालेका नेपाली नागरिक राखेमा चरण बद्ध अन्दोलनका साथै भक्तपुरका सडकनै बन्द गर्ने अवस्था श्रृजना हुने छ ।
चीनबाट ल्यान थालिएका १८० नेपाली नागरिकलाई नेपाल ल्याईएसँगै १४ दिन स्वास्थ निगरानिका लागि राख्न भक्तपुरको यो स्थानलाई सरकारले चयन गरेको हो । सो स्थानमा चीनबाट ल्याइएका नेपाली नागरिका लागि राख्नलाई कुनै भौतिक पुर्वाधारहरुको तयार नभएता पनि स्रोतका अनुसार यो स्थानको प्रधानमन्त्रीको कार्यालबाट आएका कर्मचारीले भने अवलोकन गरिसकेका छन् ।
