नाटकको पात्र

कोरोनाको पिंडामा म हाँसे भने

कृपया माफ गर्नुहोस

मृत्यु अंगाल्न नसकेर

आफुलाई आफैले जबरजस्ती

नाटकको पात्र बनाएको हुँ /

 

महिनौंको लक डाउनमा

बिस्तारै सबै थोक लक डाउन हुँदो रहेछ

चुलो चौका ,हात पाखुरा सबै लक डाउन हुदो रहेछ

मन मष्तिक त झन के कुरा

कयौ पटक चिन्ताको ज्वालामा दंकिँदो रहेछ

 

रेडियो ,टिभीको लाखौ लाखको मृत्युको खबर

नाकाबाट कोरोना छिरेको खबर

हवाईजहाजबाट कोरोना उडेर आएको खबरले

कतै धैर्यताको छानो उडेको त छैन ?

कतै मेरो ढोका अगाडिको पिखालाखुमा त

कुरेर बसेको छैन ?

 

हार भने मानेको छैन

सन्तोषको धर्सा बटुलेर

बिरक्त मुटुलाई सुम्सुम्याउन्दै

अनिश्चित दुर्घटनाबाट जोगिन

टोले छिमेकीहरु

झाक्री , बैद्य र पाष्टर हरुले

कोरोनाको औषधि बनाएको

दाबी गरि रहंदा

म हांसी रहें भने

आफुलाई आफैले जबर्जस्ति

नाटकको पात्र बनाएको हुँ /

नाटकको पात्र अवश्य बनाएको हुँ

####################