काभ्रे पनौतीका सूर्यप्रसाद लाकोजू एकजना चेतनशील सक्रिय युवा स्रष्टा हुन् । पनौतीमा जन्मेर साहित्यको प्रगतिका लागि उनले पु¥याइदिएका सिर्जनशील भावना र उच्छ्वासहरू महवपूर्ण हुँदै गएका छन् ।
युवा कवि सूर्य लाकोजूले गीत, कविता, मुक्तक र हाइकु सुनाएर सबैलाई मन्त्रमुग्ध बनाएका छन् । अक्षरमार्ग सिर्जना समूहले शनिबार आयोजना गरेको सिर्जनालयको पहिलो श्रृङखलामा एकल सिर्जना वाचनमा गरेर उनले साहित्य पारखीलाई न्यानो बनाएका हुन् ।
आमा शिर्षक कविताबाट वाचन थालेका लाकोजूले पिता शिर्षक कविताबाट कार्यक्रम समापन गरेका थिए । उनलाई सुन्न दुई सय रुपैयाँको टिकट काटेका दर्शकले स्थानीय ज्ञान विकास पुस्तकालय भरिभराउ थियो ।
हालसम्म १५ वटा साहित्यिक पुस्तक लेखिसकेका लाकोजूका सृजनामा मायाप्रेम, राजनीति, सामाजिक विभेद आदि छचल्किएको हुन्छ । उनले मधुशाला, सुन किन चाहियो, भीमसेन थापाहरु, पातैको माया, धरतीको जून लगायत गज्जबका मुक्तक सुनाए ।
उनले सुनाएका कविताका शिर्षकहरुमा मेरो घाम, म पद्मावती, म सक्छु, बुँख्याचा, बुद्ध र युद्ध, आधुनिक महाभारत, ऐनाको ब्यापार लगायत थिए ।
कार्यक्रममा उनका सृजनाहरु लोक गायक हरि कर्माचार्य, अजय लामा र विजय कर्माचार्यले गाएर सुनाएका थिए । पनौतीमा टिकटमा रचना सुन्ने नयाँ परिपाटिको थालनी भएकामा साहित्य अनुरागीहरुले तारिफ गरेका छन् ।
