काभ्रे जिल्ला उत्तरकाे सानाे छ याे ठाउँ
यसलाई राख्या रैछ नाला भन्ने नाउँ
याे ठाउँकाे वरिपरि हरियाली वन
यहाँ अाई पुगेपछि रमाउने मन ।१।
डाँडापाखा राताम्मे छ लालीगुराँस फूल
कलकल पानी वग्ने खानेपानी मुल
सबै ठाउँ पुगिसक्या माेटरकाे बाटाे
उत्पादन बढी हुने उर्वरा छ माटाे ।२।
सबैजाति मिश्रित भै बस्ती बस्या हेर
जागिरदार भन्दा पनि किसान नै धेर
मानामुरी धान फल्छ झुल्छ राम्रा बाला
अालुखेती प्रख्यात छ उग्रचण्डी नाला ।३।
देवलले भरिएकाे सहर छ हाम्रो
चारतले भगवती मन्दिर छ राम्रो
नालाबाट पूर्वपट्टी टन्चाेककाे डाँडा
सगरमाथा हेर्नलाई नजाउँ है टाढा ।४।
पलान्चाेक भगवती महाभारत अनि
त्यहीबाट देखिन्छ सगरमाथा पनि
उग्रचण्डी माताकाे दर्शन पनि गराैँ
नजिकको ठाउँबाट सगरमाथा हेराैँ ।५।
