जन्म दिने
बाटो देखाउने
संस्कार संस्कृतिमा
रम्न सिकाउँने
सु -बाटो र कु- बाटो
छुट्याएर हिड्न सिकाउने
अफ्ठ्याराहरु पन्छाएर
सिजिलो बनाएर
कर्म रेखा कोरीदिने
बिरताकी खानी उनी
सहनशीलताकी प्रतिमूति ।।
घर सम्हालेर
सन्तान र परिवार अंगालेर
आफू जलेर अरुलाई
उज्यालो दिने
हृदयकी धनी उनी ।
- धैर्यता नभत्काइ
आफू खुशी हुनु भन्दा
सन्तानलाई खुशी बाँढेर
त्यही खुशीमा रमाउँने
सधैं
उनीहरुमानै समर्पित भएर
सिङ्गो छहारी बनेर
शीतलाता प्रदान गरिहने
र
सन्तानको
थकाइ बिसाउने
चौतारी हुन् आमा
अतुलनीय मायाकी
सागर हुन् आमा।।- प्रकाश अधिकारी
