संस्कृति सभ्यता हाम्रो
जीवित रहनु पर्दछ ।
त्यस्लाई हामीले मर्म
मर्ममा भर्नु पर्दछ ।
साहित्यले नै संस्कृति
अलङ्कृत गर्नु पर्दछ ।
साहित्य गहना जस्को
संस्कृति ठान्नु पर्दछ ।
म को थिएँ भनी जान्न
संस्कृति बुझ्नु पर्दछ ।
साहित्यका सुगन्धैले
सुगन्धिकत पार्नु पर्दछ ।
संस्कृति अनि साहित्य
आपस्मा भिझ्नु पर्दछ ।
साथै त्यस्का कला रुपी
फुलले गुँथ्नु पर्दछ ।
कस्तो खान्थ्यौँ लगाउँथ्यौँ
दिन चर्यादि के थिए ।
यी सबै अघिका कार्य
कसरी गर्नु पर्दथे।
लेखा जोखा सबै यिन्को
यथार्थ खुल्नु पर्द्छ ।
साहित्य रुपी रसले
यस्लाई भर्नु पर्दछ ।
घडा संस्कृतिको हाम्रो
कलाले सज्नु पर्दछ
सभ्यता रूपी स्थानैमा
संस्थापित गर्नु पर्दछ ।
