नेपाल एसोसिएसन अफ टुर एन्ड ट्राभल एजेन्ट्स (नाट्टा) को (२०२६–२०२८) कार्यकालको निर्वाचन नजिकिँदै गर्दा महासचिव पदका उम्मेदवार सुशील पन्तको चर्चा र समर्थन बढेको छ। पर्यटन व्यवसायी जिस्वा तुलाधरको प्यानलबाट उम्मेदवारी घोषणा गरेका पन्तको लामो अनुभव, कानुन र पर्यटन सम्बन्धि पृष्ठभूमि र समावेशी पर्यटनको अवधारणाका कारण पनि पर्यटन बजारमा उनीप्रतिको चासो बढेको एक पर्यटन व्यवसायीले बताए ।
गोरखा जिल्लामा जन्मिएका पन्तसँग पर्यटन क्षेत्रमा तीन दशक लामो अनुभव रहेको छ । पन्तको कानुनमा स्नातक र सार्वजनिक प्रशासनमा स्नातकोत्तरसम्म शैक्षिक योग्यता रहेको छ। उनी ‘गोरखा इन्टरनेशनल ट्राभल्स’ का प्रबन्ध निर्देशक हुन् साथै डिजिटल रूपान्तरण र प्रविधिमैत्री सेवामा समेत सक्रिय छन्।
ग्रामीण पर्यटन प्रवर्द्धन तथा नेपालमै पहिलो ‘रेनबो इन्टरनेशनल कन्भेन्सन’ सफल आयोजना गरी नेपाललाई समावेशी तथा सुरक्षित पर्यटकीय गन्तव्यका रूपमा चिनाउन उनले नेतृत्वदायी भूमिका खेलेका छन्।
नाट्टाको सचिवालयलाई पूर्ण रूपमा पारदर्शी, सदस्यकेन्द्रित , प्रविधिमैत्री अनि काम गर्ने संस्था बनाउने अठोट पन्तको रहेकोे छ ।
यस टिमको साना तथा मझौला पर्यटन व्यवसायीहरूको हित संरक्षण गर्ने, सरकारी नीतिहरू व्यवसायीमैत्री बनाउन बलियो कानुनी पैरवी गर्ने र पर्यटन क्षेत्रका नयाँ चुनौतीहरूको डिजिटल समाधान खोज्ने मुख्य चुनावी एजेन्डा रहेका छन्। यी एजेन्डामा पन्त आफू पूर्ण प्रतिबद्ध रहने बताउछन् ।
अनुभवी पर्यटन व्यवसायी रूपमा चिनिएका पन्त कानुनसम्बन्धि ज्ञानमा पनि दक्ष व्यक्तित्व भएकोले पनि उनले नाट्टामा परिणाममुखी काम गर्न सक्ने देखिन्छ ।
समाजसेवी भावना र अन्तर्राष्ट्रिय पर्यटन बजारको ज्ञान भएका पन्तको उम्मेदवारीले नाट्टाको नेतृत्वमा नयाँ ऊर्जा थप्ने अपेक्षा गरिएको छ।
…
यस्तो छ जिस्वान तुलाधर श्रेष्ठ नेतृत्वको प्यानल
अध्यक्ष: जिस्वान तुलाधर श्रेष्ठ — स्वा ट्राभल्स एन्ड टुर्स
वरिष्ठ उपाध्यक्ष: विष्णु पाण्डे — हिमालयन क्लब टुर्स एन्ड ट्राभल्स
उपाध्यक्ष: प्रज्ञा पाठक शर्मा — एडभेन्चर आउटडोर एक्सकर्सन
महासचिव: सुशील पन्त — गोर्खा इन्टरनेसनल ट्राभल्स
सचिव: रमेश घिमिरे — वेल नेपाल टुर्स एन्ड ट्रेक्स
कोषाध्यक्ष: कृष्णप्रसाद ढकाल — काठमाडौं हलिडे टुर एन्ड ट्राभल
सह–कोषाध्यक्ष: डा. विमला दाहाल — सेलेक्टेड टुर्स एन्ड ट्राभल
कार्यसमिति सदस्य
१. प्रदीप आचार्य — ड्युक नेपाल एडभेन्चर
२. सुदर्शन गजुरेल — पर्ल होलिडेज
३. दिनेश घिमिरे — शिवालय होलिडेज
४. त्रिलोचन न्यौपाने — इन्टेल रोशी टुर्स एन्ड ट्राभल
५. अनु राउत (अधिकारी) — नेपाल स्नो ज्वेल ट्राभल एन्ड टुरिजम
६. रोजिना रञ्जितकार — रेनबो ट्राभल्स एन्ड टुर्स
