घुम्न जाउँ है पिपलटार त्रिशुली’ लोकदोहोरी गीत सार्वजनिक

काठमाडौं । नुवाकोटको त्रिशुली क्षेत्रको प्राकृतिक सौन्दर्य र मायाप्रेमको भावनालाई समेटिएको नयाँ लोकदोहोरी गीत ‘घुम्न जाउँ है पिपलटार त्रिशुली’ सार्वजनिक भएको छ।
गीतमा गायक विष्णु रिमाल , महेन्द्र बस्नेत र गायिका मनिषा श्रेष्ठको स्वर रहेको छ। गीतमा विष्णु तामाङको संगीत तथा संगीत संयोजन रहेको छ भने गीतका शब्द राम शरण आले मगरले लेखेका हुन्।
शंकरा रेकर्डिङ स्टुडियोमा रेकर्ड गरिएको गीत महेन्द्र बस्नेतको अफिसियल च्यानलमार्फत सार्वजनिक गरिएको हो।
पिपलटार–त्रिशूलीको प्राकृतिक वातावरण, स्थानीय परिवेश तथा मायाप्रेमका भावनालाई गीतमार्फत प्रस्तुत गरिएको निर्माण पक्षले जनाएको छ।
गीतले त्रिशुली क्षेत्रको प्राकृतिक सौन्दर्यलाई संगीतका माध्यमबाट चिनाउनसमेत सहयोग पुग्ने अपेक्षा गरिएको छ।
गीत सार्वजनिक भएसँगै निर्माण पक्षले दर्शक–स्रोतासँग गीत सुनेर प्रतिक्रिया दिन, शेयर गर्न तथा नेपाली लोकदोहोरी संगीतलाई माया र समर्थन गर्न आग्रह गरेको छ।