ह्याण्ड राइटिङमा श्रेया उत्कृष्ट

काठमाडौँ
Edu Tech सामाखुसी, काठमाडौँले अन्तर्रास्ट्रिय बालदिवस २०१८ को उपलक्ष्यमा आयोजना गरेको ‘अन्तर विद्यालय उपत्यकाव्यापी ह्याण्ड राइटिङ प्रतियोगिता’ मा टोखा नगरपालिका, वडा नं. ८, गोँगबुँ, बानियाँटारस्थित प्यारामाउण्ट एकेडेमीकी कक्षा-८ की छात्रा श्रेया गौतम प्रथम स्थान हासिल गर्न सफल भइन् ।
उपत्यकाभित्रका सयौँ प्रतियोगीहरूलाई पछि पार्दै प्रथम हुन सफल श्रेयालाई प्रमुख अतिथि टोखा नगरपालिकाका मेयर प्रकाश अधिकारीले नगद रु.५०००।– सहित शिल्ड तथा प्रमाणपत्र प्रदान गर्नुभएको थियो । पुरस्कृत गौतमलाई स्थानीय विभिन्न संघसंस्थाका साथै टोखा नगरपालिका वडा नं. ८ कार्यालयले पनि नगदसिहत सम्मान प्रदान गरेको थियो । विद्यालयले पनि छात्रा श्रेया गौतमलाई हार्दिक बधाई ज्ञापन गरेको थियो ।